చెట్లకీ మొక్కలకీ జీవముంటుందని సైన్స్ కనిపెట్టలేదు!

చెట్లకీ మొక్కలకీ జీవముంటుందని సైన్స్ కనిపెట్టలేదు. సైంటిఫిక్ గా వాళ్ల మెథడ్స్లో ప్రూవ్ చేయబడిందంతే... మా సనాతన ఆర్షధర్మంలో ఎన్నో లక్షల సంవత్సరాలనాడే చెప్పారు. ఓ తులసీ మమ్ములను కాపాడు, రావిచెట్టూ మమ్మల్ని కాపాడు, ఓ మేడీ నీదండం నాకు కావాలి అనుగ్రహించు, ఓ దర్భా నాదోషాలు తొలగించు, రక్షించు అని మన ఋషులు చెట్లతో, మొక్కలతో మాట్లాడి, ప్రార్థించి, వరాలు కూడా పొందారు. ఆ పరంపర మనకనుగ్రహించారు. కొన్నేళ్లు పోయాక పంచభూతాలలోనూ చైతన్యం ఉంది అని సైన్స్ ప్రూవ్ చేస్తుంది. మేము మాత్రం రోజూ సముద్రవసనే దేవి అంటూ మట్టికి (భూమాతకి క్షమార్పణ చెప్పి) నమస్కరించి నిద్రలేస్తూనే ఉంటాం.. వాయుదేవుణ్ణి పూజిస్తాం, పంచభూతాలనూ, ప్రకృతి మాతనూ పూజిస్తాం

సనాతన ధర్మానికి జయం…

ఆర్ష ధర్మానికి జయం...

-శంకరకింకర

book about dravidas

https://www.facebook.com/media/set/?set=ms.c.eJxNVFlyQDEIulHHJW73v1jnSUP6yygimGibW5meGheR~%3BFEAVicmM~_UP0Gm1dA9WaGxFGQEBUGyZJTUFkOP5caT2BWJJY~%3BICFl~_LTRDwj3TyXKCX1FzvlFil5VRaAJRA6wJcTtsAxAW0Ph3HKT1tpUdfwHyBYcXxbdGrQ0x2Fz~%3BkiHWs51bk~_ca2OQ2CY~%3B9ID0gpPQccVGpLeuyR1idMw69Bs9v29bTE14~_OSyqBbe~%3BYnNldIrmLrLDuV3FQIYwSucQhaYM0nx~%3BLkUVSBylbUiF9OGWFRbyWRMsTtn7EuX5IYVvlWFxh8wrF0aJsMUVQNwY5vS1~_PVVH2G99DxwuXS9EqXS9Fxh5pPuitPIB23KYviCGw~%3BR1j06FR6cDgOsnLDTemINDqbTxopK37rO3fh7p6qiijtgYJLmcBFw3Wghh3Qx7DdLkWJxlGqO0PankMzUx~%3BB~%3B8LtDiNr8kT~_mz.bps.a.1823269174596970&type=1

సత్సంగమంటే!?

సత్సంగమా? సద్గోష్టియా? సాధక బృందమా?

ఎందరో పెద్దల జీవితాలు, మాటలు, బోధలు పరిశీలించినమీదట చాలా ఆలస్యంగా తెలుసుకున్నది అవగతమైనది శంకరులంతటివారు సత్సంగం ఎందుకు దుర్లభం అని చెప్పారో నన్న విషయం. షరా అన్ని విషయాలలోలాగే మనం చాలా చోట్ల ఒక పదానికి బదులు మరోపదం వాడేస్తుంటాం. సాధారణంగా అన్ని ధార్మిక సంఘాలు, దేవాలయాదులు, భక్త సంఘాలు మొదలైనవాటిని సత్సంగంగా పేర్కొంటూంటాం. నిజానికి అది సత్సంగం కాదు సద్గోష్టి / సాధనా సంగాలే. కొందరికి కొత్తగా కటువుగా అనిపించచ్చు... విచారణ చేయండి. సత్సంగంలో సత్ తో సంగం చేసామా లేక సత్ కొరకు గోష్టి జరిపామా? సమాధానం మనకే అవగతమౌతుంది.

అసలు మొట్టమొదట సత్సంగం అంటే ఏమిటో తెలుసుకోవాలి. ’సత్’ తో ’సంగం’ అంటే "సత్యంతో కలిసి ఉండడం లేదా సత్ ను ఎరిగినవారితో కలిసి ఉండడం = సత్సంగం".

ఆస్తికులై, భావ సారూప్యత కలిగిన వారందరూ ఒక బృందంగా కలిసి ఉండడం, చర్చించడం స్తుతి, పూజ, అర్చన, ధ్యానాది సాధనలు చేయడం ఇవన్నీ సద్గోష్టి బృందాలు లేదా సాధక బృందాల లెక్కకు వస్తాయి. ఆ బృందంలో ఎవరైనా సత్ తో సంగం ఉన్నవారు అనగా సత్యాన్ని ఎరిగినవారు ఉంటే అనగా ఒక ఋషి, ముని, హంస, పరమహంస, జ్ఞానంలో పండిన సత్యమెరుక గలవారుంటే అప్పుడు వారితో సంగం కలిగి ఉండడం సత్సంగం ఔతుంది. అలా కాకుండా ఆత్మ ఎరుక లేక, ఆత్మానాత్మ సందిగ్ధంలో ఉంటూ సాధన ప్రయత్నం సాగిస్తున్నవారుంటే అలాటి వారందరూ, అందులో ఉండే పెద్దలైన వేదశాస్త్రేతిహాస విషయ పరిజ్ఞానం ఉన్నవారితో సహా ఉన్నవారందరూ సాధకులే, కొందరు నాలుగుమెట్లు పెనున్నవారు కొందరు మెట్లెక్కడం మొదలెట్టినవారు! అలాంటి బృందాలన్నీ సద్గోష్టి / సాధనా సంగాలే...

-శంకరకింకర

* శిష్యులకు ఋషుల సత్సంగము, వారి సేవ, అవసరమంటారు ?
* వృత్తి రీత్యా నెక్కడో ఉండాలి, సాధువులు సమీపంలో ఉండటం కుదరదు.సత్సంగం లేకపోయినా ,నాకు సాక్షాత్కారం లభిస్తుందా ?
* సత్సంగం అవసరమా ? నేనిక్కడ కు రావటంవల్ల నా కేమైనా ప్రయోజనముంటుందా , ఉండదా - నేను తెలుసుకో గోరేది ఇదే.

మహర్షి !  మొదట సత్సంగం అంటే ఏమిటో తెలుసుకోవాలి నువ్వు. సత్ తో, అంటే  సత్యంతో కలిసి ఉండటమని దాని అర్థం.సత్ ని ఎరిగినవాడినీ,
గ్రహించినవాడినీ, కూడా సత్ అనే అంటారు.సత్ తోగాని, సత్ ని గ్రహించిన వానితో గానీ కలసి ఉండటం అనేది తప్పనిసరి అందరికీ. సంసారసాగరాన్ని  దాటించడానికి  సత్సంగం వంటి నౌక ముల్లోకాలలో వేరే  ఏమీ లేదన్నారు శంకరులు.

    సత్సంగమంటే - సత్ తో  కలసి ఉండటం.సత్ అంటే ఆత్మే. ప్రస్తుతం , ఆత్మే  సత్ అని తెలియకపోవటం వల్ల , ఆ జ్ఞానం కల ఋషి యొక్క సాంగత్యాన్ని  వెతుక్కుంటాం. అదే సత్సంగం. అంతర్ దృష్టి  కలుగుతుంది. సత్ సాక్షాత్కరిస్తుంది.

     !  నీ సహజ స్థితి లో ఉండు !  భగవాన్ శ్రీ రమణ 🌹🌹🌹🌹🌹

Collection from FB

భారత దేశంలో ఎవరుంటారు? భారత అంటే?

భారత దేశంలో ఎవరుంటారు? భారత అంటే?

భరతఖండంలో, భారతదేశంలో ఉండే సనాతనధర్మీయులకి పర్యాయ పదంగా మధ్య ప్రాచ్య, పశ్చిమ దేశాలు పెట్టుకున్నపేరు హిందు. హిందూ పదం ప్రాచీనం కాదు. అది రాజకీయ నామకరణం. సనాతన ధర్మీయులు సత్యాన్ని నమ్ముతారు. సత్యం జ్ఞానం అనంతం బ్రహ్మ. ఈ దేశంలో వేదాలను నమ్మని చార్వాకులున్నా వారి సిద్ధాంతాన్ని వారు అనుసరించి సత్యాన్వేషణ చేసారు తప్ప మార్చలేదు. భారతీయ జీవన విధానం వేదవిహితమైన సత్యాన్వేషణం. అంటే "భాః, రతః," భాః = కాంతి, వెలుగు, జ్ఞానం దానియందు రతః = రమించేవారు. వారుండే ప్రదేశం భారతదేశం, వారు భారతీయులు. దానికి పర్యాయపదం వచ్చింది, ఇప్పుడు వికృతార్థాలకు తావిస్తున్న "హిందూ" పద (నిజానికి ’భారత’కు) నిర్వచనం.

-శంకరకింకర

నఱకబడిన చెట్టు మళ్ళీ చిగురిస్తుంది

ఛిన్నోఽపి రోహతి తరుః క్షీణోప్యుపచీయతే పునశ్చన్ద్రః,
ఇతి విమృశన్తస్సన్తః సన్తవ్యన్తేన విప్లుతా లోకే!

నఱకబడిన చెట్టు మళ్ళీ చిగురిస్తుంది, కృష్ణపక్షంలో క్షీణించిన చంద్రుడు మళ్లీ వృద్ధి చెందుతాడు. ధీరులైన సజ్జనులు తమ కష్టాలకు మట్టిముద్దవలె కృంగిపోరు, దుఃఖమును దుఃఖముగా స్వీకరించి దానినధిగమించే ప్రయత్నం చేస్తారు.

-శంకరకింకర
[06/07, 11:49] Self: అసలొకరిని కించపరచడం అన్న భావన వచ్చినప్పుడే, ఆవ్యక్తి తనకు తానుగా కింద పడిపోయినట్లు. పైగా మత్సరంతోటీ, అసూయతోటీ ఉంటే ఎవరు బాగు చేయగలరు. అందుకే పెద్దలంటూంటారు.. రెండో మెట్టు మీదనుంచి జారి పడిపోతే ఇబ్బంది లేదు, 10వ మెట్టు మీదున్నవాడు జారితే కాస్త ప్రమాదం, 100 వ మెట్లు ఆ పై పై మెట్ల పై వాడు జర జరా జారి పడిపోతే.... అదీ భాగవతులు, ధార్మికులు యెడ ఆ ప్రవర్తన అలా ఉంటే... వాడి ఉన్నతి ఇక భగవంతుడే చూడాలి... అది కూడా అనుమానమే... ఏ పూర్వ పుణ్యమో గురువులో అడ్డుపడాలి.

శ్రీకృష్ణున్నాశ్రయిస్తే కలిగేదేమిటి?

శ్రీకృష్ణున్నాశ్రయిస్తే కలిగేదేమిటి?

ఎప్పటికో అప్పటికి
నష్టో మోహః
స్మృతిర్లబ్దః

ఏది నాది నాదనుకుని కూడబెట్టుకున్నావో ఆ మోహం పోతుంది!

ఎవరు నావాళ్లు నావాళ్లనుకున్నావో ఆ మోహం పోతుంది!

నేను, నాది, నావల్ల అన్నీ పోతాయ్, పోలేదంటే కృష్ణుడి అనుగ్రహం కలగలేదన్నట్లే!

ఆనక సంగ నిస్సంగమై మెల్లగా సత్యమూ అవగతమౌతుంది!

*కృష్ణం వందే జగద్గురుం*

పూజారి = పూజ+అరి అంటే "పూజకు శత్రువా"

ఆమధ్య ఎవరో పూజారి అనకూడదు తప్పు “పూజారి” అంటే “పూజకు శత్రువు” అన్నారట. అది తప్పుడు అన్వయం, భాష తెలీకపోవడం చేత ఏర్పడిన అయోమయం. పూజారి రెండు పదాల కలయిక కాదు.

అలాగే వంటరి కూడా. "వంటరి" అంటే "వంటచేసేవారు, పాచకుడు" అని నిఘంటు అర్థం. ఇది వృతి పని చేసేవారినుద్దేశించి ఉన్న పేర్లలో ఒకటి.  

కుమ్మరి, పూజారి, కమ్మరి, వంటరి ఇలా ఇవి ఏకపదాలు. ఇవి ఆయా వృత్తులు చేసేవారి పేర్లు.

ముర+అరి = మురారి లాగా ఇవి రెండు పదాల కలయిక కావు.

-శంకరకింకర

రఘుపతి రాఘవ రాజారాం వక్రీకరణ

పెద్దగీతను చిన్నది చేయాలంటే.. దాని పక్కన ఇంకో పెద్దగీత గీయడం ఒక పద్ధతి. కానీ పెద్ద గీత గీయలేనితనం లేదా విషయంలేక గొప్పదిగా చూపడం కుదరకపోతే? అసలు పెద్దగీతని, గొప్పతనాన్ని చిన్నదిగా చూపడం... అనాదిగా మనిషి బలహీనత.. అదే జరిగిందిక్కడా...

-శంకరకింకర

రఘుపతి రాఘవ రాజారాం వక్రీకరణ

ఈ మాట వింటూనే నోటి వెంబడి పాట వస్తుంది.
రఘుపతి రాఘవ రాజారాం  పతిత పావన్ సీతా రాం
ఈశ్వర్ అల్లా తేరో నామ్ సబ్ కో సన్మతి దే భగవాన్
నిజానికి ఇది మన జాతి పితగా వ్యవహరింపబడే గాంధీ గారు అసలు భజనను మార్చి వ్రాసినది. ఇది భారతీయులందరి కొరకు వ్రాసినది అని చెబుతారు. విష్ణు దిగంబర్ పాలుస్కర్ గారు దీనిని పాడి ప్రచారములోనికి తెచ్చినారు. దీనికి మూలమగు భజన రచయిత మరుగున పడిపోయినారు, కానీ దీనిని హిందువులు తప్ప అన్యులు పాడుట అరుదు. ఇందులో క్రీస్తు పేరు లేదని క్రైస్తవులు పాడరు. రాముని పేరు వుందని ముస్లిములు పాడరు. మరి గాంధీ గారు ఎవరి కొరకు వ్రాసినారన్నది మీ ఊహకు వదులుతాను.

అసలు ఈ భజన పుట్టుపూర్వోత్తరములకు పోతే దీని మొదటి రెండు చరణములు నామరామాయణములోనివి. ఈ రెండు చరణములతో లక్ష్మణాచార్య గారు ఈ క్రింది భజనను వ్రాసినారు. చదువుతూ వుంటే అర్థమగుట లేదా లక్ష్మణాచార్యులవారు తెలుగువారని. ఎందుకంటే ఈ చిన్న భజనలో మన భద్రాద్రి రాముడు చోటు చేసుకొన్నాడు.

రఘుపతి రాఘవ రాజారాం
పతిత పావన సీతా రాం
సుందర విగ్రహ మేఘశ్యాం
గంగా తులసీ సాలగ్రాం
భద్రగిరీశ్వర సీతారాం
భక్త జనప్రియ సీతారాం
జానకి రమణా సీతారాం
జయ జయ రాఘవ రాజారాం 

-చెరుకు రామ మోహన్ రావు, Cheruku Rama Mohan Rao (Saturday, 23 December 2017)

అఙ్గారకస్తోత్రమ్

॥ అఙ్గారకస్తోత్రమ్ ॥

అస్య శ్రీ అఙ్గారకస్తోత్రస్య ।
విరూపాఙ్గిరస ఋషిః ।
అగ్నిర్దేవతా ।
గాయత్రీ ఛన్దః ।
భౌమప్రీత్యర్థం జపే వినియోగః ।
అఙ్గారకః శక్తిధరో లోహితాఙ్గో ధరాసుతః ।
కుమారో మఙ్గలో భౌమో మహాకాయో ధనప్రదః ॥ ౧॥

ఋణహర్తా దృష్టికర్తా రోగకృద్రోగనాశనః ।
విద్యుత్ప్రభో వ్రణకరః కామదో ధనహృత్ కుజః ॥ ౨॥

సామగానప్రియో రక్తవస్త్రో రక్తాయతేక్షణః ।
లోహితో రక్తవర్ణశ్చ సర్వకర్మావబోధకః ॥ ౩॥

రక్తమాల్యధరో హేమకుణ్డలీ గ్రహనాయకః ।
నామాన్యేతాని భౌమస్య యః పఠేత్సతతం నరః ॥ ౪॥

ఋణం తస్య చ దౌర్భాగ్యం దారిద్ర్యం చ వినశ్యతి ।
ధనం ప్రాప్నోతి విపులం స్త్రియం చైవ మనోరమామ్ ॥ ౫॥

వంశోద్ద్యోతకరం పుత్రం లభతే నాత్ర సంశయః ।
యోఽర్చయేదహ్ని భౌమస్య మఙ్గలం బహుపుష్పకైః ॥ ౬॥

సర్వా నశ్యతి పీడా చ తస్య గ్రహకృతా ధ్రువమ్ ॥ ౭॥

॥ ఇతి శ్రీస్కన్దపురాణే అఙ్గారకస్తోత్రం సంపూర్ణమ్ ॥

కుపుత్రో జాయేత క్వచిదపి కుమాతా న భవతి

Collection.. from whatsapp


న మంత్రం నో యంత్రం తదపి చ న జానే స్తుతి మహో
న చాహ్వానం ధ్యానం తదపి చ న జానే స్తుతి కథాః
న జానే ముద్రాస్తే తదపి చ న జానే విలపనం
పరం జానే మాతస్త్వదనుసరణం క్లేశహరణమ్ || ౧ ||

అమ్మానాకు మంత్రాలు తెలియవు,యంత్రాలు తెలియవు. నిన్ను స్తుతిచేసే మతిలేదు. నాకు నిన్నుపాసన చేసే ముద్రలు తెలియవు. ఇవియన్నీ నా బాధలు అని చెప్పుకొని ఏడ్వలేను. నాకు తెలిసినది ఒకటే. నిన్ననుసరించుటయే నా దుఃఖములకు ఉపశమనము.

విధేరజ్ఞానేన ద్రవిణ విరహేణాలసతయా
విధేయా శక్యత్వాత్తవ చరణయోర్యాచ్యుతిరభూత్
తదేతత్ క్షంతవ్యం జనని సకలోద్ధారిణి శివే
కుపుత్రో జాయేత క్వచిదపి కుమాతా న భవతి || ౨ ||

నా అజ్ఞానముచేత, అశక్తతచేత, నా సోమరితనము చేత, నా దౌర్బల్యముచేత, నేను పెట్టదలచిన నైవేద్యము నీ పాదములనంటినది. తల్లీ శివా, భవానీ, రుద్రాణీ నన్ను క్షమించు.అందరినీ ఉద్ధరించే తల్లీ నీకు తెలియనిదేమున్నది. చెడ్డ కుమారుడు ఉండటం లోక సహజము కానీ చెడ్డ తల్లి ఉండదు కదా!

పృథివ్యాం పుత్రాస్తే జనని బహవః సంతి సరళాః
పరం తేషాం మధ్యే విరల విరలోzహం తవ సుతః
మదీయోzయం త్యాగః సముచిత మిదం నో తవ శివే
కుపుత్రో జాయేత క్వచిదపి కుమాతా న భవతి || ౩ ||

అమ్మా అనేకానేకమైన నీ సుపుత్రుల నడుమ,నాది,నాకు అన్న స్వార్థ పూరిత వాంఛలచే పెనుగొనబడి శమ దమాదులను అధిగమించలేక పడియున్నాను.నాకున్న ఒకేఒక అర్హత నీ కుమారుని కావటమే. తల్లీ శివా! అదిచాలదా నన్ను ఉద్ధరించుటకు. అయినా చెడ్డ కుమారుడు ఉండటం లోక సహజము కానీ చెడ్డ తల్లి ఉండదు కదా!

జగన్మాతర్మాతస్తవ చరణ సేవా న రచితా
న వా దత్తం దేవి ద్రవిణమపి భూయస్తవ మయా
తథాపి త్వం స్నేహం మయి నిరుపమం యత్ప్రకురుషే
కుపుత్రో జాయేత క్వచిదపి కుమాతా న భవతి || ౪ ||

అమ్మా! జగన్మాతలకు మాతా! నీ పాదసేవ నేను చేసినదేలేదు. నీ పద సన్నిధిన నేనుంచిన నైవేద్యము ఏమీ లేదు. నిరుపమానమైన నీ కనికరమునకు నీ పుత్రుని నుండి అవి నీకు కావలెనా. అయినా చెడ్డ కుమారుడు ఉండటం లోక సహజము కానీ చెడ్డ తల్లి ఉండదు కదా!

పరిత్యక్తా దేవా వివిధ విధ సేవాకులతయా
మయా పంచాశీతేరధిక మపనీతే తు వయసి
ఇదానీం చేన్మాతస్తవ యది కృపా నాzపి భవితా
నిరాలంబో లంబోదరజనని కం యామి శరణమ్ || ౫ ||

అమ్మా! 85సంవత్సరముల వయసు వచ్చినా నాకు ఏవిధమైన పూజా విధానాలూ తెలియవు. నేను చేయ గలిగినది నీ శరణు కోరడమే. ఎటువంటి ఆశ్రయముమూ లేని నాకు నీవు కాక ఆశ్రయము వేరేవ్వరివ్వగలరు ఓ లంబోదరజననీ!

శ్వపాకో జల్పాకో భవతి మధుపాకోపమగిరా
నిరాంతంకోరంకో విహరతి చిరం కోటికనకైః
తవాపర్ణే కర్ణే విశతి మను వర్ణే ఫలమిదం
జనః కో జానీతే జనని జపనీయం జప విధౌ || ౬ ||

తల్లీ అపర్ణా! నీమహిమనేమని కొనియాడను. నీ మహిమతో చండాలుడు కూడా మదుర మధురతర మంజుల వాణిని వినిపించగలడు, నిర్ధనుడు కూడా ధనవనమున ధాటిగా నడయాడగలడు, కేవలము నీ నామామృతము వారి కర్ణ రంధ్రములు సోకినచాలును.మరి అంత మహిమగల నీ నామము అనుష్టాన నియమములతో అకుంఠితముగా జపించే వారి అదృష్టమును ఏమని కొనియాడవలెను.

చితాభస్మాలేపో గరళమశనం దిక్పటధరో
జటాధారీ కంఠే భుజగపతిహారీ పశుపతిః
కపాలీ భూతేశో భజతి జగదీశైకపదవీం
భవానీ త్వత్పాణిగ్రహణ పరిపాటీఫలమిదమ్ || ౭ ||

అమ్మా చితాభస్మమును ధరించువాడు, విషమును కంఠమునందు దచుకున్నవాడు, దిక్కులనే వస్త్రములుగా ధరించినవాడు, జడలు కట్టినవాడు, పాములను ధరించిన వాడు, భుతములతో తిరుగాడువాడు, కపాలములో భుజించువాడు అయిన శివుడిని జగత్ప్రభువు అనుటకు  కారణము నీవాయన అర్దాగివి అగుట వల్లనే కదా అమ్మా!

న మోక్షాస్యాకాంక్షా న చ విభవవాంఛాపి చ న మే
న విజ్ఞానాపేక్షా శశిముఖి! సుఖేచ్ఛాపి న పునః
అత స్త్వాం సంయాచే జనని జననం యాతు మమ వై
మృడానీ రుద్రాణీ శివ శివ భవానీతి జపతః || ౮ ||

అమ్మా నేను ధన,కనక,వస్తు,వాహన కామినీ కాదు మోక్షగామినీ కాదు,శాస్త్రజ్ఞత కూడా నాలో శూన్యమే.తల్లీ ఇందుముఖీ నాకు ఏ సుఖ సంతోషాలూ వద్దు. నాకు నీవెన్నిజన్మలు కలిగించ బోవుచున్నా అన్ని జన్మలలోనూ నాకు నీ నామములైన "మృడాని,రుద్రాణి,శివా,భవానీ" మొదలయిన వీనినే నేను సదా స్మరించు నటుల చేయి వరంబునీయుము తల్లీ.

నారాధితాసి విధినా వివిధోపచారైః |
కిం సూక్ష్మచింతనపరైర్న కృతం వచోభిః ||
శ్యామే! త్వమేవ యది కించన మయ్యనాథే |
ధత్సే కృపాముచితమంబ పరం తవైవ || ౯ ||

అమ్మా శ్యామా! నేను వేదచోదితమైన మంత్రపఠనముతో, ఉదాత్తానుదాత్త స్వరములతో,అచంచలమైన భక్తితో నిన్ను కోలుచుటలేదు. నాకుతెలిసినదల్లా నా భాషలో నా ఘోష వినిపించడమే.అయినా నన్ను నీ అక్కున చేర్చుకోన్నావంటే నవనీత హృదయముతో కూడిన నీవు నా హృదయావేదన గుర్తిన్చినావు. నీవు ఈ జగత్తుకే అతీతురాలివి కదా.

ఆపత్సుమగ్నస్స్మరణం త్వదీయం | కరోమి దుర్గే కరుణార్ణవే శివే |
నైతచ్ఛఠత్వం మమ భావయేథాః | క్షుధాతృషార్తా జననీం స్మరంతి || ౧౦ ||

అమ్మా దుర్గా! దయా సాగరీ! ఆపదలలో మాత్రమే నిన్ను తలచుతానని "అవసరార్థి నైన" నన్ను అసహ్యించుకోవద్దు. బిడ్డకు ఆకలైతే తలచుకోనేది తల్లినేకదా!

జగదంబ విచిత్ర మత్ర కిం పరిపూర్ణా కరుణాస్తి చే న్మయి |
అపరాధపరంపరావృతం న హి మాతా సముపేక్షతే సుతమ్ || ౧౧ ||

అమ్మా జగన్మాతా! నీవు పోతపోసిన కరుణా మూర్తివి. ఇందులో ఆశ్చర్యమేమీ లేదు.అందుకే తనయుడనైన  నా తప్పులెన్నున్నా తప్పనిసరిగా నన్నుపేక్షింపక నీ అక్కున చేర్చుకొంటావు అమ్మా!

మత్సమః పాతకీ నాస్తి పాపఘ్నీ త్వత్సమా న హి |
ఏవం జ్ఞాత్వా మహాదేవీ యథా యోగ్యం తథా కురు || ౧౨ ||

నేనే అధమాధముడను.నాకన్నా అధములు వుండరు కదా.
నాకు మాత్రమే మంచి జరగాలి అనుకుంటు దాని వలన లోకానికి ఎంత కీడు జరుగుతుందో ఆలోచించనివాడిని, ఏది కోరుకోవాలో కూడా తెలియని వాడిని.
అన్నీ తెలిసినా నీవు ఏది యోగ్యమో అది అందజేయు నీకు వందనములు.

బిందు త్రికోణ వసుకోణ దశారయుగ్మ
మన్వస్త్ర నాగదళ షోడశపత్ర యుక్తం
వృత్తత్రయంచ ధరణీ సదన త్రయంచ
శ్రీ చక్ర రాజ ఉదితః పరదేవతాయాః

ఆధ్యాత్మ & కుటుంబ రాజకీయం

రాజకీయం ఒక వృత్తిగా స్వీకరించవచ్చు. కానీ, ఆఫీసుల్లో, స్కూళ్లలో, సంఘాలలో ప్రైవేటు విషయాలో రాజకీయం చేయడం అనేది పరమ చిరాకు విషయం. భగవదనుగ్రహంతో అలాంటి విషయాలను, వ్యక్తులను కనీసం నాదాకా రాకుండానే, వస్తూంటెనే ఆమడ దూరంలోనే నిలువరించగలిగాను.

ఐతే, ఆధ్యాత్మిక సంస్థలలో, ఆధ్యాత్మ వ్యక్తులమధ్య, కుటుంబ సభ్యుల మధ్య రాజకీయాలు చోటుచేసుకోవడం పరమ దారుణమైన విషయాలు. ఈ విషయాలలో రాజకీయం, కుట్రలు, చాడీలు పరమ అసహ్యకరమైన విషయాలు... మొగ్గలో ఉన్నప్పుడే తుంచాలి లేదా దూరంగా జరగాలి. అలా చేయలేకపోవడం ఆ కుటుంబ పెద్ద, ఆ సంస్థ పెద్ద యొక్క అసమర్థతగానే ఎంచాల్సి ఉంటుంది, నిస్సందేహంగా !

-శంకరకింకర

దుర్వాస మహర్షి

(Whatsapp Collection, do not know the original author)
దుర్వాస మహర్షి, కంచి కామాక్షీ అమ్మవారి ఆలయంలో అనేక మంది భక్తులకి వారు ప్రత్యక్ష  దర్శనం ఇచ్చి అనుగ్రహించారు. కామాక్షీ అమ్మవారికి చందనోత్సవం చేసినప్పుడు ఇప్పటికీ, అమ్మవారి కుడి వైపు దుర్వాస మహర్షిని చూడవచ్చని, ఆ దర్శనం చేయగలిగిన సత్పురుషులకు వారు కనబడతారని పెద్దల విశ్వాసం. ఎంతో మంది శ్రీవిద్యోపాసకులకు దుర్వాసో మహర్షి ఆరాధ్య దైవం మరియు సద్గురువు. గురువు నుండి పొందిన శ్రీవిద్యా మంత్రాలు, ఏ కొంచెమైనా కూడా, పూనికతో కామాక్షీ ఆలయంలో అనుష్ఠిస్తే, వారికి తప్పకుండా దుర్వాసో మహర్షి అనుగ్రహం లభిస్తుందనీ, వారికి ఆయనే ఉపాసనలో ముందుకు నడిపించే దిశానిర్దేశం చేస్తారనీ ఎంతో మంది భక్తుల అనుభవం. 

దీనికి ఉదాహరణ, తమిళనాడులోని తిరుచిరాపల్లిలో మీనాక్షీ అమ్మళ్ అని ఒక తల్లి ఉండేది. ఆమెకి చాలా చిన్న వయసులోనే ఆమె మామగారే గురువై శ్రీవిద్యా దీక్ష ఇచ్చారు. అయితే, ఆమె ఎన్నో రోజులు సాధన చేయకమునుపే, ఆ గురువు (ఆమె యొక్క మావగారు) తనువు చాలించారు. అప్పటికి ఆ తల్లికి శ్రీవిద్యోపాసనలో ఇంకా సాధనాబలం లేదు. ఆమెకి గురువు గారు ఇచ్చిన మూలమంత్రము ఒక్కటే తెలుసు.

ఆమె ఆ మూలమంత్రమునే భక్తితో కొంత కాలం సాధన చేసింది. అయితే ఆమె తరచుగా తిరువారూర్ లో ఉన్న కమలామ్బికా అమ్మవారి క్షేత్రములో కూర్చుని ఆ మంత్ర జపము చేసేది. ఒకనాడు, అదేవిధముగా ఆ ఆలయములో జపం చేస్తూ ఉంటే, మంచి స్ఫురద్రూపి అయిన ఒక వృధ్ధుడు ఆమె యెదుటకి వచ్చి, నువ్వు కంచిలోని శ్రీవిద్యా పరమేశ్వరీ అమ్మవారి సన్నిధికి (అంటే కామాక్షీ అమ్మయే) వెళ్ళు, అక్కడ నీవు చేసే మంత్ర జపమునకు న్యాసము (కరన్యాసము, అంగన్యాసము) కూడా దొరుకుతుంది అని చెప్పి వెళ్ళిపోయారు. ఆమె వెంటనే కంచి కామాక్షీ అమ్మవారి సన్నిధికి వెళ్ళింది. ఆశ్చర్యంగా ఆమెకి ఇక్కడ కూడా అదే వృధ్ధుడు దర్శనమిచ్చి, అక్కడ అమ్మ వారి ప్రాంగణములోనే ఉన్న మరొకరిని చూపించి ఆయనని ఆశ్రయించమని చెప్పారు. వెంటనే ఆ తల్లి పరుగు పరుగున వెళ్ళి వారి పాదములకు నమస్కారం చేసి, జరిగినదంతా చెప్పింది.

ఆ పెద్ద మనిషి మైసూర్ కు చెందిన శ్రీ యజ్ఞనారాయణ శాస్త్రి అనే ఒక గొప్ప శ్రీవిద్యోపాసకుడు. శాస్త్రి గారు, నేను నీకు ఎలా తెలుసమ్మా అని ఆవిడని అడిగితే, ఆ తల్లి వెనుకకు తిరిగి, అక్కడ నిల్చున్న వృధ్ధుడిని చూపించింది. విచిత్రముగా, ఆ వృధ్ధుడు శాస్త్రి గారు, ఆ తల్లి ఇద్దరూ చూస్తుండగా అంతర్ధానం చెందారు. తదుపరి ఆ తల్లి కామాక్షీ ఆలయంలో ప్రదకక్షిణ చేస్తూ ఉండగా, దుర్వాస మహర్షి సన్నిధికి వచ్చి నమస్కరించగానే, అక్కడ అంతర్ధానం చెందిన వృధ్ధుడే దుర్వాస మహర్షి మూర్తి యందు కనబడి, ఆమెను దీవించారు. ఇది నిత్య సత్యమైన లీల. ఇప్పటికీ ఆ తల్లి ప్రతీ యేటా కంచి వెళ్ళి అమ్మ దర్శనముతో పాటు, దుర్వాస మహర్షి యొక్క దర్శనము కూడా పొందుతారు.

గొప్ప వ్యక్తి, గొప్పతనం

ఒక వ్యక్తి గొప్పవ్యక్తి అవడానికీ,
గొప్పవ్యక్తిగా అభివర్ణింపబడడానికీ హస్తిమశకాంతర బేధం ఉంది.

అన్నిటికీ కాలమే సమాధానం చెప్తుంది. గొప్పతనం, ఆభిజాత్యం అనే బుడగ పగులుతుంది. నిజమైన గొప్పవ్యక్తులే గొప్పవారిగా కీర్తింపబడతారు.


(భుజాలు తడుముకోవద్దు... LoL)

ఉదాః- కాంగ్రెస్, సెక్యులర్ నేతలనే దశాబ్దాలుగా గొప్పవారుగా చిత్రీకరింపబడ్డారు, వాళ్ల వ్యక్తిత్వాలకతీతంగా, కాంగ్రెసేతర స్వాతంత్ర్య సమరయోధులు, ముఖ్యంగా మేరునగధీరులైన సనాతన ధర్మానుయాయులను అసలు లక్ష్యపెట్టలేదు.


-శంకరకింకర

సర్వత్ర భయం! భయం! భయం!

సంపాదించిన ధనం ఎవరిపాలోనని భయం,

సాధించిన కీర్తి  పాడౌతుందేమోనని భయం,

సాంగత్యమున్న జనంలో ఎవడు దెబ్బేస్తాడోనన్నం భయం.

సర్వత్ర భయం! భయం! భయం!

అందుకే తేనెటీగ లాంటి బ్రతుకొద్దని తేనెటీగనిచూసి నేర్చుకున్నానని చెప్పాడు అజగరుడు ప్రహ్లాదుడితో...

ధనం, జనం, యశం తో మమేకమవకుండా *సత్యం* తో మాత్రమే మమేకమై బ్రతకమని బోధించాడు.

- శంకరకింకర

ప్రహ్లాదుని ధృతి

''ఎవని బలమున నీవు నేను చెప్పిన మాట వినక అతిక్రమించుచున్నావు?'' అని అడుగగా, 

''ఏ భగవంతుడు ఈ జగమును సృజించి పాలించుచున్నాడో, అతని బలముననే ఇట్లు ప్రవర్తించుచున్నాను. అంతః శత్రువులను గెలువలేక ప్రపంచమంతనూ గెలువ గల్గితినని తలంచుట భ్రాంతి. గనుక అంతఃశత్రువులను జయించుడు'' అని ప్రహ్లాదుడు తండ్రికి విన్నవించెను.

ఆహా ఏమి ధృతి అదికదా కావలసినది. ఎంతమంది బలగం ఉన్నా, అఖండైశ్వర్యం, త్రిలోకాధిపతిఅనే కీర్తి... ప్చ్ ఎన్ని ఉన్నా హిరణ్యకశిపుడు ఏమీలేనివాడే... అర్భకుడు, బాలకుడు అనుకున్న ప్రహ్లాదుడు అన్నీ ఉన్నవాడే!


-శంకరకింకర

దీపం కింద నీడ

శ్రీ కూర్మనాథ జయంతి - తత్త్వం

సముద్రంలో ఇతర జలాలో ఉండే తాబేలు తను అటూ ఇటూ వెళ్లడానికి సంసార వ్యాపారానికి గానూ కాళ్లూ చేతులు బయటపెట్టి కదిలిస్తుంది. ఆ గమనం అవసరం లేనప్పుడు వాటిని తాబేటి డిప్పలోకి లాగేస్కుంటుంది.

ఇది ఆధ్యాత్మిక సాధనలో విషయ సుఖాలనుంచి ఇంద్రియాలను వెనక్కు మరల్చడమనే స్థితికి ప్రతీక. ఎంత గొప్ప స్థితికి చేరితే అంత లోపలికి లాక్కోవాలి. ఎంత పెరిగితే అంత ఒదగాలి, సముద్ర స్వరూపమైన ప్రపంచ సంసార వ్యాపారం నుండి తగ్గాలి ధన,జన,బల,కీర్తి మున్నగు లౌకిక విషయాలనుండి తగ్గి బహిర్ముఖ ప్రవృత్తిని అంచెలంచెలుగా ఆపి అంతర్ముఖ ప్రవృత్తిలోకి వెళ్లగలిగే చిత్తవృత్తి రూప ప్రజ్ఞకు శ్రీ కూర్మనాథ రూపం ప్రతీక.

-శంకరకింకర

ధర్మం భూషణం కారాదు

ధర్మం భూషణం కారాదు, అది తీసి పక్కనపెట్టేసేది కాదు.

ధర్మం గుణం కావాలి. జీర్ణమైపోవాలి అప్పుడే జీవుడు ధర్మాత్ముడౌతాడు, తద్వారా ధర్మి ఔతాడు.

వాచావేదాంతం వలె వాచా ధర్మం కూడా అప్రయోజనకారి.

ధర్మ భాషణం కన్నా ధర్మాచరణం ప్రభావవంతం, ఉన్నతం.

-శంకరకింకర

ధర్మాచరణం

ధర్మాన్ని ఆచరించడం ✔
ఆచరించినదానికి ధర్మాన్ని తోడు తెచ్చుకోవడం❌

నవగ్రహ కరావలమ్బస్తోత్రమ్

!! నవగ్రహ కరావలమ్బస్తోత్రమ్ !!

జ్యోతీశ దేవ భువనత్రయ మూలశక్తే
గోనాథ భాసుర సురాదిభిరీద్యమాన !
నౄణాంశ్చ వీర్య వర దాయక ఆదిదేవ
ఆదిత్య వేద్య మమ దేహి కరావలమ్బమ్ !! ౧!!

నక్షత్రనాథ సుమనోహర శీతలాంశో
శ్రీ భార్గవీ ప్రియ సహోదర శ్వేతమూర్తే !
క్షీరాబ్ధిజాత రజనీకర చారుశీల
శ్రీమచ్ఛశాంక మమ దేహి కరావలమ్బమ్ !! ౨!!

రుద్రాత్మజాత బుధపూజిత రౌద్రమూర్తే
బ్రహ్మణ్య మంగల ధరాత్మజ బుద్ధిశాలిన్ !
రోగార్తిహార ఋణమోచక బుద్ధిదాయిన్
శ్రీ భూమిజాత మమ దేహి కరావలమ్బమ్ !! ౩!!

సోమాత్మజాత సురసేవిత సౌమ్యమూర్తే
నారాయణప్రియ మనోహర దివ్యకీర్తే !
ధీపాటవప్రద సుపండిత చారుభాషిన్
శ్రీ సౌమ్యదేవ మమ దేహి కరావలమ్బమ్ !! ౪!!

వేదాన్తజ్ఞాన శ్రుతివాచ్య విభాసితాత్మన్
బ్రహ్మాది వన్దిత గురో సుర సేవితాంఘ్రే !
యోగీశ బ్రహ్మ గుణ భూషిత విశ్వ యోనే
వాగీశ దేవ మమ దేహి కరావలమ్బమ్ !! ౫!!

ఉల్హాస దాయక కవే భృగువంశజాత
లక్ష్మీ సహోదర కలాత్మక భాగ్యదాయిన్ !
కామాదిరాగకర దైత్యగురో సుశీల
శ్రీ శుక్రదేవ మమ దేహి కరావలమ్బమ్ !! ౬!!

శుద్ధాత్మ జ్ఞాన పరిశోభిత కాలరూప
ఛాయాసునన్దన యమాగ్రజ క్రూరచేష్ట !
కష్టాద్యనిష్ఠకర ధీవర మన్దగామిన్
మార్తండజాత మమ దేహి కరావలమ్బమ్ !! ౭!!

మార్తండ పూర్ణ శశి మర్దక రౌద్రవేశ
సర్పాధినాథ సురభీకర దైత్యజన్మ !
గోమేధికాభరణ భాసిత భక్తిదాయిన్
శ్రీ రాహుదేవ మమ దేహి కరావలమ్బమ్ !! ౮!!

ఆదిత్య సోమ పరిపీడక చిత్రవర్ణ
హే సింహికాతనయ వీర భుజంగ నాథ !
మన్దస్య ముఖ్య సఖ ధీవర ముక్తిదాయిన్
శ్రీ కేతు దేవ మమ దేహి కరావలమ్బమ్ !! ౯!!

మార్తండ చన్ద్ర కుజ సౌమ్య బృహస్పతీనామ్
శుక్రస్య భాస్కర సుతస్య చ రాహు మూర్తేః !
కేతోశ్చ యః పఠతి భూరి కరావలమ్బ
స్తోత్రమ్ స యాతు సకలాంశ్చ మనోరథారాన్ !! ౧౦!!

     !! ఓం శాన్తిః శాన్తిః శాన్తిః !!

గురుసూక్తము

( సేకరణ)

శ్రీ గురుసూక్తము..!!💐శ్రీ💐
ఓం నమః శివాయ..!🙏

శ్రీ గురు సూక్తము..!!💐
ఓం సచ్చిదానంద రూపాయ కృష్ణాయా క్లిష్టకారిణే||నమోవేదాంతవేద్యాయ గురవే బుద్ధి సాక్షిణే||

ఓంనమోబ్రహ్మాదిభ్యో, బ్రహ్మవిద్యాసంప్రదాయకర్తృభ్యో||
వంశఋషిభ్యో మహాద్భ్యో నమో గురుభ్యః||

ఓం నమో ప్రణవార్ధాయ, శుద్ధజ్ఞానైకమూర్తయే||
నిర్మలాయ ప్రశాన్తాయ దక్షిణామూర్తయే నమః||

ఓం హయాస్యాద్య వతారైస్తు జ్ఞానసిద్ధా మునీశ్వరాః||
కృతార్ధతాంగతాస్తాంవై నారాయణ ముపాస్మహే||

ఓం వేదతత్త్వైర్మహావాక్యైర్వసిష్ఠాద్యామహార్షయః||
చతుర్భిశ్చతురాసన్ తంవై పద్మభువం భజే||

ఓం బ్రహ్మర్షిర్బ్రహ్మ విద్వర్యో బ్రహ్మణ్యో బ్రాహ్మణ ప్రియః||
తపస్వీ తత్త్వవిద్యస్తు తం వసిష్ఠం భజేన్వహం||

 ఓంయోగజ్ఞం యోగినావర్యం బ్రహ్మజ్ఞాన విభూషితం||
శ్రీమద్వశిష్ఠ తనయం శక్తిం వందే మహామునియే||

ఓం ధర్మజ్ఞంధార్మికం ధీరం ధర్మాత్మా నందయానిధిం||
ధర్మశాస్త్ర ప్రవక్తారం పరాశర మునింభజే||

ఓం కృష్ణ ద్వైపాయనం వ్యాసం సర్వలోకహితేరతం||
వేదాబ్జభాస్కరం వందేశమాదినిలయం మునిం||

ఓం పరాశరపౌత్రం శ్రీవ్యాసపుత్రమకల్మషం||
నిత్యవైరాగ్య సంపన్నం జీవన్ముక్తమ్ శుకంభజే||

ఓం మాండూక్య కారికాకర్తా యోభాతి బ్రహ్మవిద్వరః||
శ్రీగౌడపాదాచార్యం తం ప్రణమామి ముహుర్ముహుః||

ఓం యోగీశ్వరం వేదచూడం వేదాంతార్ధనిధిం||
మునిం గోవింద భగవత్పాదాచార్యవర్య ముపాస్మహే ||

ఓం హరలీలా వతారాయ శంకరాయపరౌజసే||
కైవల్యకలనా కల్పతరవే గురవేనమః||

ఓం బ్రాహ్మణే మూర్తిమతే శృతానాం శుద్ధిహేతవే||నారాయణయతీన్ద్రాయ తస్మై గురవేనమః||   

ఓం సదాశివసమారంభం శంకరాచార్యమధ్యమాం||
అస్మదాచార్య పర్యంతం వందేగురు పరంపరాం||

ఓం సచ్చిదానంద రూపాయ శివాయపరమాత్మనే||
నమో వేదాంత వేద్యాయ గురవేబుద్ధిసాక్షిణే||

ఓం నిత్యానందైక కందాయ నిర్మలాయచిదాత్మనే||
జ్ఞానోత్తమాయ గురవే సాక్షిణే బ్రాహ్మణేనమః|| 

గూఢావిద్యా జగన్మాయా దేహశ్చాజ్ఞాన సంభవః||
విజ్ఞానం యత్ప్రసాదేన గురుశబ్దేనకథ్యతే||

స్వదేశికస్వైవచ నామకీర్తనమ్ భవేదంతస్య శివస్యకీర్తనమ్||
స్వదేశికస్వైవచ నామచింతనం భవేదంతస్య శివస్యచింతనం||

కాశిక్షేత్రం నివాసశ్చ జాహ్నవీ చరణోదకం||
గురుర్విశ్వేశ్వరః సాక్షాత్ తారకం బ్రహ్మనిశ్చయః||

గురుసేవా గయాప్రోక్తా దేహసాక్షా దక్షయోవటః||
తత్పాదం విష్ణుపాదంస్యాత్ తత్ర దత్తమచస్తతం||

స్వాశ్రమంచ స్వజాతించ స్వకీర్తిమ్ పుష్ఠివర్ధనం||
ఏతత్సర్వం పరిత్యజ్య గురురేవ సమాశ్రయేత్||

గురువక్త్రే  స్థితావిద్యా గురుభక్త్యాచ లభ్యతే||
త్రైలోక్యేస్ఫుటవక్తారో దేవర్షిపితృమానవాః||

గుకారశ్చగుణాతీతో రూపాతీతోరుకారకః||
గుణరూప విహీనత్వాత్ గురురిత్యభిధేయతే||

గుకారః ప్రధమవర్ణో మాయాదిగుణ భాసకః||
రుకార్యోస్తి పరంబ్రహ్మ మాయాభ్రాంతి విమోచకం||

సర్వశృతి శిరోరత్న విరాజిత పదాంబుజం||
వేదానార్ధ ప్రవక్తారం తస్మాత్ సంపూజయేత్ గురుమ్||

యస్య స్మరణమాత్రేణ జ్ఞానముత్పద్యతేస్వయం||
సః ఏవ సర్వ సమ్పత్తిః తస్మాత్ సంపూజయేత్ గురుమ్||

సంసారవృక్షమారూఢాః పతన్తినరకార్ణవే||
యస్తానుద్ధరతే సర్వాన్ తస్మై శ్రీగురవేనమః||

ఏకఏవ పరోబంధుర్విషయే సముపస్థితే||
గురుః సకలధర్మాత్మా తస్మై శ్రీగురవేనమః||

భవారణ్య ప్రవిష్టస్య దిఙ్మోహభ్రాంత
చేతసః||
యేన సందర్శిత పంథాః తస్మై శ్రీగురవేనమః||

తాపత్రయాగ్ని తప్తానాం అశాంత ప్రాణినాం భువి||
గురురేవ పరాగంగా తస్మై శ్రీగురవేనమః||

శివేరుష్టే గురుత్రాతా గురౌరుష్టే నకశ్చినః||
లబ్ద్వాకులగురుం సమ్యక్ గురుమేవ సమాశ్రయేత్||

అత్రినేత్రశివః సాక్షాత్ ద్విబాహుశ్చహరిః||
స్మ్రుతః యో-చతుర్వదనో బ్రహ్మ శ్రీగురుః కధితప్రియే||

నిత్యంబ్రహ్మ నిరాకారం నిర్గుణం బోధయేత్ పరమ్||
భాసయన్ బ్రహ్మభావంచ దీపోదీపాన్తరం యథా||

గురోర్ ధ్యానే నైవనిత్యం దేహీబ్రహ్మమయో భవేత్||
స్థితశ్చ యత్రకుత్రాపి ముక్తాసౌనాత్రిసంశయః||

జ్ఞానంవైరాగ్యమైశ్వర్యం యశఃశ్రీః సముదాహృతం||
షడ్గుణైశ్వర్య యుక్తోహి భగవాన్ శ్రీగురుః ప్రియే||

గురుః శివో గురుః దేవో గురుర్బన్ధుః శరీరిణామ్||
గురురాత్మా గురుర్జీవో గురోరన్యన్నవిద్యతే||

యతః పరమకైవల్యం గురుమార్గేణ వైభవేత్||
గురుభక్తి రతిః కార్యాః సర్వదా మోక్షకాంక్షిభిః||

గురుర్దేవో గురుర్ధర్మో గురౌనిష్టా పరంతపః||
గురోః పరతరం నాస్తి త్రివారం కధయామితే||

నమో నమస్తే గురవే మహాత్మనే విముక్తసఙ్గాయ సదుత్తమాయ||
నిత్యాద్వయానంద రసస్వరూపిణే భూమ్నే సదా--పార దయామ్బుదామ్నే||

శిష్యాణామ్ జ్ఞానదానాయ లీలయాదేహధారిణే||
సదేహోసి విదేహాయ తస్మై శ్రీగురవేనమః||

రాగద్వేషవినుర్ముక్తః కృపయాచ  సమన్విత||
సమయానాంచ సర్వేషాం జ్ఞానసార పరిగ్రహీ||

గురుర్బ్రహ్మా గురుర్విష్ణు గురుర్దేవ సదాచ్యుతః||
న గురోరధికం కశ్చిత్రిషులోకేషు విద్యతే||

దివ్యజ్ఞానోపదేష్టారం దేశికం పరమేశ్వరం||
పూజయాత్పరయా భక్త్యా తస్యజ్ఞాన ఫలంభవేత్||

గురురేవపరబ్రహ్మ గురురేవపరాగతిః||
గురురేవ పరావిద్యా గురురేవ పరాయణం||

గురురేవ పరాకాష్ఠా గురురేవ పరంధనం||
యస్మాత్తదుపదేష్టా సౌ తస్మాత్గురు తరోగురుః||

గురుభావపరంతీర్థం మన్యతీర్థం నిరర్థకం||
సర్వతీర్థమయందేవి శ్రీగురోశ్చరణామ్బుజం||

సప్తసాగరపర్యంతం తీర్థస్నానఫలంతుయాత్||
గురుపాద పయోబంధోః సహస్రాంశేన తత్ఫలం||

శోషణం పాపపంకస్య దీపనమ్ జ్ఞాన తేజసః||గురోఃపాదోదకం సమ్యక్ సంసారార్ణవ తారకం||

అజ్ఞానమూలహరణం జన్మకర్మ నివారకం||
జ్ఞానవైరాగ్యసిద్ధ్యర్థం గురు పాదోదకం పిబేత్"
 
ఇతి సంకలిత 'శ్రీ గురుసూక్తం' సమాప్తం.                                                       
ఓం శాంతిః శాంతిః శాంతిః"

శ్రీ గురుసూక్తం -- తాత్పర్యం.💐
ఓం సచ్చిదానందరూపుడు, అక్లిష్టకారి, వేదాంతవేద్యుడు, బుద్ధిసాక్షి, జగద్గురువగు శ్రీకృష్ణునకు నమస్కారము.

ప్రణవార్థ స్వరూపుడును, శుద్ధజ్ఞానైకమూర్తియు, నిర్మలుడును, ప్రశాన్తుడును నగు దక్షిణామూర్తికి నమస్కారము.
ఎవని హయగీతాద్యవతారములచే మునీశ్వరులు జ్ఞానసిద్ధిని బడసి కృతార్థులైనారో అట్టి శ్రీమన్నారాయణుని మేముపాసించెదము.

చతుర్వేదతత్త్వముల చేతను, మహా వాక్యముల చేతను వసిష్ఠాదిమహర్షులు ఎవనివలన విజ్ఞానచాతుర్యము బడసిరో అట్టి పద్మజుడగు బ్రహ్మదేవుని నేను భజించెదను.
బ్రహ్మర్షియు, బ్రహ్మ విద్వరుడును, బ్రహ్మణ్యుడును, బ్రహ్మజ్ఞ ప్రియుడును నగు వసిష్ఠమహర్షిని నిరంతరమూ నేను ధ్యానించెదను.

యోగజ్ఞుడును, యోగులలో నుత్తముడును బ్రహ్మజ్ఞానవిభూషితుడును, శ్రీవశిష్ఠమునీన్ద్రుని కొమరుడునగు శ్రీశక్తి మహామునికి నమస్కారము.  ధర్మజ్ఞుడును, ధార్మికబుద్ధి కలవాడును, ధీరుడును, ధర్మాత్ముడును, దయానిధియు, ధర్మశాస్త్రముల లెస్సగా వచించు వాడునునగు పరాశరుని గొల్చెదను.

శ్రీకృష్ణద్వైపాయనుడును, సర్వలోకహితమునుకూర్చి ఆనందించువాడును, వేదపద్మములకు సూర్యునివంటివాడు, శమాదులకు నిలయమైనవాడును, మునియునగు శ్రీవ్యాసమహర్షులకు
నమస్కరించుచున్నాను.
శ్రీపరాశరుని పౌత్రుడును, శ్రీవ్యాసమహర్షిపుత్రుడును, అకలుషుడును, నిత్యవైరాగ్యసంపన్నుడును, జీవన్ముక్తుడును నగు శ్రీశుకమహర్షిని భజించెదను.

మాండూక్యకారికల రచించినవాడును, బ్రహ్మవిద్వరుడై భాసిల్లు వాడునునగు శ్రీగౌడపాదాచార్యుని మాటిమాటికిని మ్రొక్కెదను.
యోగీశ్వరుడును, వేదవిభూషణుడును, వేదాంతార్థ నిలయుడును, మునీన్ద్రుడును, ఉత్తముడునగు
శ్రీ గోవిందభగవత్పాదాచార్యుని ధ్యానించుచున్నాము. పరమేశ్వరుని లీలావతారుడును, మహాశక్తియుతుడును, మోక్షమొసంగుట యందు కల్పవృక్షము వంటివాడునునగు శ్రీ శంకర భగవత్పాదాచార్య గురువులకు నమస్కారము.

మూర్తీ భవించిన బ్రహ్మస్వరూపుడును, శాస్త్రములశుద్ధికి కారణ భూతుడును, యతీన్ద్రుడునునగు శ్రీనారాయణ గురువునకు నమస్కారము.
శ్రీదక్షిణామూర్తులైన సదాశివునితో ప్రారంభమై, మధ్యమమున  శ్రీశంకరాచార్య  భగవత్పాదులతో కూడియుండి, మా సద్గురువులవరకు విస్తరించియున్న శ్రీగురుపరంపరకు నమస్కరించుచున్నాము.

సచ్చిదానందస్వరూపుడును, శివుడును, పరమాత్మ రూపుడును, వేదాంత వేద్యుడును, బుద్ధిసాక్షియునగు గురుదేవునకు వందనము.
నిత్యానందైక స్వరూపుడును, నిర్మలుడును, చిదాత్మ స్వరూపుడును, ఉత్తమజ్ఞానమూర్తియు సాక్షియు,
బ్రహ్మ స్వరూపుడునునగు గురువునకు నమస్కారము. 

జగత్తు గూఢమైన, అవిద్యాత్మకమైన మాయారూపము మరియు శరీరము అజ్ఞానము నుండి ఉత్పన్నమైనది. దీనికి సంబంధించిన జ్ఞానము ఎవరివలన కలుగునో వారిని 'గురు' అను శబ్దముతో వ్యవహరిస్తారు. గురుదేవుని నామకీర్తనమే అనంతస్వరూపుడైన శివభగవానుని కీర్తనము.
గురుదేవుని యొక్క నామచిన్తనమే అనంతస్వరూపుడైన శివభగవానుని యొక్క చింతనము.
గురుదేవుని నివాస స్థలమే కాశిక్షేత్రము.
గురుదేవుని పాదోదకమే పవిత్రగంగానది.
శ్రీగురుదేవుడే విశ్వేశ్వరుడు.
మనియు నిశ్చయముగా సాక్షాత్తు తారకబ్రహ్మ గురువే. గురుసేవయే పుణ్యక్షేత్రమైన గయ.
గురుదేవుని శరీరమే కోరిన కోరికల నిచ్చే అక్షయవటవృక్షము.
గురుపాదము విష్ణుభగవానుని శ్రీచరణము.
అందు నిమగ్నమైన మనస్సుకూడా అదేస్థితిని పొందును. బ్రహ్మచర్యగృహస్థాది ఆశ్రమములు, జాతిని, కీర్తిని, పాలన, పోషణ, మొదలగువన్నియు విడచిపెట్టి శ్రీగురుదేవునే ఆశ్రయించవలయును.

శ్రీగురుదేవుని యందున్న విద్య గురుభక్తి వలననే లభించును.
ఈమాట ముల్లోకములయందును దేవతలచే, ఋషులచే, మానవులచే స్పష్టముగా చెప్పబడుచున్నది. 'గు' కారమునకు గుణముల కతీతుడనియు, 'రు' కారమునకు రూపమున కతీతుడనియు,
గుణ రూపములు రెండునూ లేనందున 'గురు' వనియు చెప్పబడుచున్నది.
గురుశబ్దములో మొదటిదగు 'గు'కారమునకు
మాయాది గుణములతో కూడియున్నదనియు, 'రు'కారమునకు మయాభ్రాంతిని తొలగించే పరబ్రహ్మమనియు భావము.

సర్వశృతిరూపములైన శ్రేష్ఠరత్నములచే విలసిల్లు చరణకమలములు కలవాడును, వేదాంతముల యొక్క అర్థమును చెప్పేవాడు కనుక గురువును పూజింపవలయును.
ఎవరిని స్మరించినంత మాత్రముననే తనంతతానుగా జ్ఞానము కలుగుతుందో అతడే సర్వసంపదల స్వరూపము.
అందువలన గురుదేవుని బాగుగా పూజింపవలయును. సంసారమనే చెట్టునెక్కి, నరకమనే సముద్రములో పడుచున్నవారినందరినీ ఉద్ధరించునట్టి గురుదేవునకు నమస్కారము. 

ఏదైనా విషమపరిస్థితి ఎదురైనప్పుడు గురువు ఒక్కరే పరమబంధువై మనలను కాపాడును.
సర్వధర్మముల ఆత్మస్వరూపము గురుదేవుడే.
అట్టి గురుదేవునికి నమస్కారము.
ఇహలోకమనెడి అరణ్యములో ప్రవేశించి దిక్కు తెలియని చిత్తభ్రమ కలిగినస్థితిలో మనకు దారిచూపించునట్టి గురుదేవునకు నమస్కారము. 

ఈభూమి పై తాపత్రయము అను మూడువిధములైన అగ్నులలో కాలుచూ, శాంతి లేని ప్రాణులకు ఉత్తమగంగ వంటి గురుదేవునకు నమస్కారము.
ఒకవేళ శివుడు కోపించినచో గురువు రక్షిస్తాడు.
గురువే కోపించిన ఇక ఎవ్వరూ రక్షింపలేరు.
కావున మంచి గురువును పొంది చక్కగా ఆగురువునే ఆశ్రయింపుము.
మూడుకన్నులు లేని సాక్షాత్తు శివుడు,
రెండుచేతులు గల విష్ణువు,
నాలుగుముఖములు లేని బ్రహ్మ దేవుడు
శ్రీగురుదేవుడే అని తెలియవలెను.

గురువు అనబడు వారు సదాబ్రహ్మలు, నిరాకారులు, నిర్గుణులు. వారు పరమును బోధించుదురు. బ్రహ్మభావముతో, ఒకదీపముతో వేరొకదీపము
వెలిగించు నట్లుగా శిష్యులలో బ్రహ్మభావమును ప్రకటించుచుందురు.

సదా గురుదేవుని ధ్యానించు జీవుడు బ్రహ్మమయుడు అగుచున్నాడు.
అట్టివాడు ఎక్కడ ఉన్ననూ ముక్తుడే అనుటలో సందేహము లేదు.
భగవత్స్వరూపుడగు గురుదేవుడు జ్ఞానము, వైరాగ్యము, ఐశ్వర్యము, యశము, సంపద, మధురవాణి అను ఆరుగుణములచే కూడి యుండును.
శరీరధారులకు గురువే శివుడు.
గురువే దేవుడు. గురువే బంధువు.
గురువుయందు నిష్ఠతో నుండుటయే పరమ తపస్సు. గురువును మించినదేదియూ లేదు.
దీనిని ముమ్మారు చెప్పుచున్నాను.
సత్పురుషులలో నుత్తముడును,
సర్వదా అంతములేని దయకు సముద్రుడును,
సకల బంధములు త్రెంపి అసంగుడు,
నిర్లిప్తుడు నైన వాడును, నిత్యుడును, అద్వయుడును, ఆనందరసస్వరూపియునైన వాడును,
భూమి పైన పరబ్రహ్మస్వరూపుడైన వాడునునైన మీకు(గురువునకు) నమస్కారము.
శిష్యులకు జ్ఞానమొసంగుటకు లీలగా దేహము ధరించిన వాడును, దేహముతో నున్ననూ,
విదేహమగు పర బ్రహ్మములో నుండునట్టి గురుదేవునకు నమస్కారము.
రాగద్వేషములు లేనివాడుగను, కారణము నుద్దేశించకనే దయాసాగరుండును, సమస్త శాస్త్రములలోని జ్ఞానసారమెరింగిన వాడునునై  శ్రీ గురు దేవుడుండును.
 
గురువే పరబ్రహ్మ.ఆ పరబ్రహ్మమును చేరుత్రోవ గురువే. ఆ చేరుటకు కావలిసిన జ్ఞానము గురువే. 
ఆ చేరుట అనే ప్రక్రియ కూడా గురువే. 
దానికి కావలసిన సాధనసంపత్తి కూడా గురువే. 
చిట్టచివరికి ఏదైనా మిగిలియుంటుందంటే అది గురువే.  ఈ విధముగా ఉపదేశికులైన మీరు గురువులలో కెల్ల సద్గురువులు. 
గురుభావమే శ్రేష్టమైన పుణ్యక్షేత్రము.
ఇతర క్షేత్రములు నిరర్థకములు.
శ్రీగురుదేవుని చరణామ్బుజములు సర్వతీర్థమయము. ఏడు సముద్రముల వరకూగల అన్ని పుణ్యతీర్థములందునూ స్నానము చేయుటవలన ఎట్టిఫలము కలుగుచున్నదో,
అది గురుపాద జలము లోని ఒక్క బిందువులో
వెయ్యవ భాగమునకుసమానము.
శ్రీ గురుదేవుల యొక్క పదామృతము పాప పంకిలము తొలగించునది.
జ్ఞానతేజమును పెంపొందింపజేయునది మరియు
సంసార సాగరమును దాటించునట్టిది.

అజ్ఞానమును పెకలించివేయునదియును,
అనేక జన్మల కర్మను నివారించునదియు అగు గురుపాదోదకమును జ్ఞానవైరాగ్యములు సిద్ధించుట కొరకు పానము చేయవలెను.
శ్రీ గురుసూక్తము" అను సంకలనము సమాప్తము.
స్వస్తి..!!💐
ఓం నమః శివాయ..!!🙏
సర్వే జనా సుఖినోభవంతు..!!🙏

                        💐శ్రీ మాత్రే నమః💐

గురు తత్త్వమునెరుగక

గురు తత్త్వమునెరుగక

గురువు జేర కుజన మానసముల్ శుద్ధి పొందునె? తామరల జేరెడి మండూకముల భంగి!

----

గురువన్న నొకయుపాధి గాదది నిత్య సత్య స్వరూపమౌ చైతన్య దీప్తి. ఉపాధి బేధముల గొని గురువొకరూపి యని యేమరబోకు. గురువేకరూపి బలు యుపాధులందేక కాలమున ప్రకటింపబడు శుద్ధ చైతన్యరూపి. అల రామునకు వశిష్ఠ, విశ్వామిత్ర, అత్రి, సుతీక్ష్ణ, శరభంగ, అగస్త్యభ్రాత, అగస్త్యాదుల యుపాధులందు ప్రకటితమైన ఏక తత్త్వము గురుతత్త్వము. 

- శంకరకింకర

ఆధ్యాత్మ రాజకీయం

చదువులో రాజకీయం
ఉద్యోగంలో రాజకీయం
సమాజంలో రాజకీయం
ఇళ్లలో రాజకీయం,
కళల్లో రాజకీయం .. ఇగ్నోర్డ్!

ఆధ్యాత్మ మార్గంలో రాజకీయం?
ఆ మార్గం ఆధ్యాత్మ  మార్గం కానే కాదు.
తస్మాత్ జాగ్రత జాగ్రత

- శంకరకింకర

నయితి

నయితి

నయితి

నయితి

ఏది అది కాదో, దాన్ని అందుకునే మార్గంలో ఏది అడ్డొచ్చినా, పక్కకు జరిపి ముందుకు సాగిపోవాలి. మల్లెపువ్వే కావచ్చు అభిషేకధారకి అడ్డొస్తే సుకుమారంగా పక్కకి తప్పిస్తాం, అప్పుడు అయ్యో మల్లెపువ్వా, బిల్వపత్రమా అని అభిషేకాన్ని ఆపముకదా అలా.. నిరంతరం ఆధ్యాత్మ లక్ష్యాలకు చేరడానికి అడ్డుపడే ఆటంకం ఏదైనా, ఎవరైనా పక్కకు తప్పించాల్సిందే. " మానవ జీవిత గమ్యమైన పునరావృత్తిరహిత స్థితి నీ లక్ష్యమైతే"

- శంకరకింకర:

నా గమ్యం నిశ్చలానందం!

నా గమ్యం నిశ్చలానందం,

నడత మొదలైన నాటినుండి నడుస్తూనే ఉన్నా..
కందపడీ, పైకి లేచి, పక్కన కూర్చుని చేరగిలపడి, గమ్యం అదికాదని యెరిగి.. రివ్వున మొదలై..

చలివేంద్రాలు, పూటకూళ్ల ఇళ్ళు, దారితప్పించే కూడళ్లు, మజిలీలు ఎన్నో ఎన్నెన్నో..

నడత మొదలైన నాటినుండి నడుస్తూనే ఉన్నా..

మొదట నిల్చిన తోడు ఇప్పుడు లేదు, ఇప్పటితోడు ఏనాటివరకో, కొత్త స్నేహాలెంతవరకో..

బాటలో భవనాలు కట్టినా, వనాల కూర్చినా, బస్తాలు మోసినా.. గమ్యం అదికాదని యెరిగి.. రివ్వున మొదలై..

నడత మొదలైన నాటినుండి నడుస్తూనే ఉన్నా..

సాయమొంది సాచి కొట్టినవారెందరో.. నడిచే కాళ్లలో కఱ్ఱ దూర్చినవారెందరో... నేడెందరో..  రేపటికింకెందరో..

కూటి కోసం, కూలి కోసం, కీర్తి కోసం, మందకోసం, స్వార్థ చింతనలో వ్యక్తిత్వం వీపున తన్నిన వారెందరో...

ఐనా..  నడత మొదలైన నాటినుండి నడుస్తూనే ఉన్నా..

ప్రభూ! నువ్వున్నావనే నమ్మికతో, గమ్యం చేరుస్తావనే పూనికతో,

అనితర సాధ్యమైన నువ్వే.. నా గమ్యం.

నా గమ్యం నిశ్చలానందం,

-శంకరకింకర:

అంబా వజ్ర కవచం

 (సేకరణ)

ఇది కవచస్తోత్రం. మన శరీరాన్ని, మన యొక్క అవస్థలనీ, అదేవిధంగా పంచ భూతాలలోను, దశదిశలలోనూ అమ్మవారి రక్ష కావాలి అనే భావంతో చేయబడిన అద్భుతమైన స్తోత్రం.

౧. నమోదేవి జగద్ధాత్రి జగత్త్రయ మహారణే!
మహేశ్వర మహాశక్తే దైత్యద్రుమ కుఠారికే!!
౨. త్రైలోక్య వ్యాపిని శివే శంఖ చక్ర గదాధరి!
స్వశార్జ్ఞ వ్యగ్రహస్తాగ్రే నమోవిష్ణు స్వరూపిణి!!
౩. హంసయానే నమస్తుభ్యం సర్వ సృష్టివిధాయిని!
ప్రాచాంవాచాం జన్మభూమే చతురానన రూపిణి!!
౪. త్వమైంద్రీ త్వంచ కౌబేరీ వాయవీ త్వం త్వమంబుపా!
త్వం యామీ నైరుతీ త్వంచ త్వమైశీ త్వంచ పావకీ!!
౫. శశాంక కౌముదీ త్వంచ సౌరీశక్తి స్త్వమేవచ!
సర్వదేవమయీ శక్తిః త్వమేవ పరమేశ్వరీ!!
౬. త్వం గౌరీ త్వం చ సావిత్రీ త్వంగాయత్రీ సరస్వతీ!
ప్రకృతి స్త్వం మతిస్త్వం చ త్వమహంకృతి రూపిణీ!!
౭. చేతః స్వరూపిణీ త్వం సర్వేంద్రియ రూపిణీ!
పంచతన్మాత్ర రూపా త్వం మహాభూతాత్మికేంబికే!!
౮. శబ్దాది రూపిణీ త్వం వై కరణానుగ్రహా త్వము!
బ్రహ్మాండ కర్త్రీ త్వం దేవి బ్రహ్మాండాంతస్త్వమేవ హి!!
౯. త్వం పరాసి మహాదేవి త్వంచ దేవి పరాపరా!
పరాపరాణాంపరమా పరమాత్మ స్వరూపిణీ!!
౧౦. సర్వరూపా త్వమీశాని త్వమరూపాసి సర్వాగే!
త్వంచిచ్ఛక్తి ర్మహామాయే త్వంస్వాహా త్వంస్వధామృతే!!
౧౧. వషడ్ వౌషట్ స్వరూపాసి త్వమేవ ప్రణవాత్మికా!
సర్వ మంత్రమయీ త్వం వై బ్రహ్మాద్యాః త్వత్సముద్భవాః!!
౧౨. చతుర్వర్గాత్మికా త్వంవై చతుర్వర్గ ఫలోదయే!
త్వత్తః సర్వమిదం విశ్వం త్వయి సర్వం జగన్నిధే!!
౧౩. యద్దృశ్యం యదదృశ్యం స్థూలసూక్ష్మ స్వరూపతః!
తత్ర త్వం శక్తిరూపేణ కించిన్న త్వదృతే క్వచిత్!!
౧౪. మాత స్త్వయాద్య వినిహత్య మహాసురెంద్రం!
దుర్గం నిసర్గ విబుధార్పిత దైత్య సైన్యమ్!
త్రాతాఃస్మ దేవి సతతం నమతాం శరణ్యే
త్వత్తోపరః క ఇహ యం శరణం వ్రజామః!!
౧౫. లోకే త ఏవ ధనధాన్య సమృద్ధి భాజః!
తే పుత్ర పౌత్ర సుకళత్ర సుమిత్రవంతః!
తేషాంయశః ప్రసర చంద్ర కరావదాతం!
విశ్వం భవేద్భవసి యేషు సుదృక్ త్వమీశే!!
౧౬. త్వద్భక్త చేతసి జనే న విపత్తి లేశః
క్లేశః క్వ వాను భవతీ నతికృత్సుపుంసు!
త్వన్నామ సంసృతి జుషాం సకలాయుషాం క్వ
భూయః పునర్జనిరిహ త్రిపురారిపత్ని!!
చిత్రం యదత్ర సమరే సహి దుర్గదైత్యః
త్వద్దృష్టి పాతమధిగమ్య సుధానిధానం
మృత్యోర్వశత్వ మగమ ద్విదితం భవాని
దుష్టోపి తే దృశిగతః కుగతిం న యాతి!!
౧౮. త్వచ్ఛస్త్రవహ్ని శలభత్వమితా అపీహ
దైత్యాః పతంగరుచిమాప్య దివం వ్రజంతి!
సంతః ఖలేష్వపి న దుష్టధియో యతః స్యుః
సాధుష్వివ ప్రణయినః స్వపథం దిశంతి!!
౧౯. ప్రాచ్యాం మృడాని పరిపాహి సదా నతాన్నో
యామ్యామవ ప్రతిపదం విపదో భవాని!
ప్రత్యగ్దిశి త్రిపురతాపన పత్ని రక్ష
త్వం పాహ్యుదీచి నిజభక్తజనాన్ మహేశి!!
౨౦. బ్రహ్మాణి రక్ష సతతం నతమౌళి దేశం
త్వం వైష్ణవి ప్రతికులం పరిపాలయాధః!!
రుద్రాగ్ని నైర్రుతి సదాగతి దిక్షు పాంతు
మృత్యుంజయ త్రినయనా త్రిపురారి శక్త్యః!!
౨౧. పాతు త్రిశూలమమలే తవ మౌళిజాన్నో
ఫాల స్థలం శశికళా భ్రుదుమా భ్రువౌ చ!
నేత్రే త్రిలోచన వధూర్గిరిజాచ నాసా
మోష్ఠం జయాచ విజయా త్వధర ప్రదేశం!!
౨౨. శ్రోత్రద్వయం శ్రుతిరావా దశనావళిం  శ్రీః
చండీ కపోలయుగళం రసనాంచ వాణీ!
పాయాత్ సదైవ చిబుకం జయమంగళా నః
కాత్యాయనీ వదన మండలమేవ సర్వమ్!!
౨౩. కంఠ ప్రదేశ మనతాదిహ నీలకంఠీ
భూదారశక్తి రనిశం చ కృకాటికాయామ్!
కౌర్మ్యం సదేశ మైశం భుజదండమైన్ద్రీ
పద్మాచ ఫాణిఫలకం నతికారిణాం నః!!
౨౪. హస్తాంగుళీః కమలజా విరజా నఖాంశ్చ
కక్షాంతరం తరణి మండలగా తమోఘ్నీ!
వక్షః స్థలం స్థలచరీ హృదయం ధరిత్రీ
కుక్షి ద్వయం త్వవతు నః క్షణదా చరఘ్నీ!!
౨౫. అవ్యాత్ సదోదరదరీం జగదీశ్వరీ నో
నాభిం నభోగతి రజా త్వథ పృష్ఠదేశం!
పాయాత్ కటించ వికటా పరమా స్పిచౌనో
గుహ్యం గుహారణి రాపానమపాయ హంత్రీ!!
౨౬. ఊరుద్వయం చ విపులా లలితా చ జానూ
జంఘే జవావతు కఠోరతరాత్ర గుల్ఫౌ!
పాదౌ రసాతల చరాంగుళి దేశముగ్రా
చాంద్రీ నఖాన్ పదతలం తలవాసినీ చ!!
౨౭. గృహం రక్షతు నోలక్ష్మీః క్షేత్రం క్షేమకరీ సదా
పాతు పుత్రాన్ ప్రియకరీ పాయాదాయుః సనాతనీ
యశఃపాతు మహాదేవీ ధర్మం పాతు ధనుర్ధరీ
కులదేవీ కులం పాతు సద్గతిం సద్గతింప్రదా !!
౨౮. రణే రాజకులే ద్యూతే సంగ్రామే శత్రుసంకటే!
గృహేవనే జలాదౌచ శర్వాణీ సర్వతోవతు!!
ఫలశ్రుతి: మనుష్యుడు పవిత్రుడై భక్తి పూర్వకముగా ఈ స్తోత్రమును పఠించిన యెడల వారి ఆపదలను దుర్గాదేవి నశింపజేయును. ఈ స్తోత్రమందలి కవచమును ధరించిన వారికి ఏవిధములగు భయములుండవు. ఈ స్తోత్ర పాఠకులకు యముని వలన గాని, భూతప్రేతాదుల వలన గాని, విష సర్పాగ్ని విషమజ్వరాదుల వలన గాని ఏ విధమగు భయముండదు. ఈ స్తోత్రముతో జలమును ఎనిమిదిసార్లు అభిమంత్రించి త్రాగిన యెడల ఉదరపీడలు, గర్భపీడలు, తొలగును. బాలురకు పరమ శాంతి నొసంగును. ఈ స్తోత్రమున్న చోట దేవి తన సర్వశక్తులతో కూడి రక్షించును.

వాసనాక్షయం చేసుకోవడం అంత తేలిక్కాదు

గొప్ప గొప్ప సువాసననిచ్చే చందనపు చెట్లు, సంపెంగచెట్లలాంటి వాటి మొదళ్ళలోనే బ్రహ్మాండమైన జాతి సర్పాలుంటాయి. అంత మంచి సువాసననిచ్చే చెట్ల మొదట్లో ఉన్నాయని, విషం కక్కడం మానేసి మంచి సువాసనని అమృతాన్ని వెదజల్లుతాయనుకుంటున్నారా! ఒక్కనాటికి అలా వదలవవి. వాసనాక్షయం చేసుకోవడం అంత తేలిక్కాదు. అందుకోసం సత్సంగం వచ్చింది. సత్పురుష సహవాసం చేయగా చేయగా ఎప్పటికైనా మారతాడు. మారి ఊర్ధ్వముఖపయనం ఆరంభిస్తాడు జీవుడు.

 -శంకరకింకర

నవగ్రహ స్తోత్రం - శ్రీ వేద వ్యాస విరచితమ్

ఆదిత్యాయ చ సోమాయ మంగళాయ బుధాయ చ !

గురు శుక్ర శనిభ్యశ్చ రాహవే కేతవే నమః !!

జపాకుసుమ సంకాశం కాశ్యపేయం మహదద్యుతిమ్ !

తమోరింసర్వపాపఘ్నం ప్రణతోSస్మి దివాకరమ్ !! ౧ !!

దధిశంఖతుషారాభం క్షీరోదార్ణవ సంభవమ్ !

నమామి శశినం సోమం శంభోర్ముకుట భూషణమ్ !! ౨ !!

ధరణీగర్భ సంభూతం విద్యుత్కాంతి సమప్రభమ్ !

కుమారం శక్తిహస్తం తం మంగలం ప్రణామ్యహమ్ !! ౩ !!

ప్రియంగుకలికాశ్యామం రుపేణాప్రతిమం బుధమ్ !

సౌమ్యం సౌమ్యగుణోపేతం తం బుధం ప్రణమామ్యహమ్ !! ౪ !!

దేవానాంచ ఋషీనాంచ గురుం కాంచన సన్నిభమ్ !

బుద్ధిభూతం త్రిలోకేశం తం నమామి బృహస్పతిమ్ !! ౫ !!

హిమకుంద మృణాలాభం దైత్యానాం పరమం గురుమ్ !

సర్వశాస్త్ర ప్రవక్తారం భార్గవం ప్రణమామ్యహమ్ !! ౬ !!

నీలాంజన సమాభాసం రవిపుత్రం యమాగ్రజమ్ !

ఛాయామార్తండ సంభూతం తం నమామి శనైశ్చరమ్ !! ౭ !!

అర్ధకాయం మహావీర్యం చంద్రాదిత్య విమర్దనమ్ !

సింహికాగర్భసంభూతం తం రాహుం ప్రణమామ్యహమ్ !! ౮ !!

పలాశపుష్పసంకాశం తారకాగ్రహ మస్తకమ్ !

రౌద్రంరౌద్రాత్మకం ఘోరం తం కేతుం ప్రణమామ్యహమ్ !! ౯ !!

ఇతి శ్రీవ్యాసముఖోగ్దీతమ్ యః పఠేత్ సుసమాహితః !

దివా వా యది వా రాత్రౌ విఘ్న శాంతిర్భవిష్యతి !! ౧౦ !!

నరనారీ నృపాణాంచ భవేత్ దుఃస్వప్ననాశనమ్ !

ఐశ్వర్యమతులం తేషాం ఆరోగ్యం పుష్టివర్ధనమ్ !! ౧౧ !!

గ్రహనక్షత్రజాః పీడాస్తస్కరాగ్నిసముభ్దవాః !

తా సర్వాఃప్రశమం యాన్తి వ్యాసోబ్రుతే న సంశయః !! ౧౨ !!

!! ఇతి శ్రీ వేద వ్యాస విరచితమ్ ఆదిత్యాదీ నవగ్రహ స్తోత్రం సంపూర్ణం !!

శివరాత్రి ప్రార్థన

శివరాత్రివ్రతం వక్ష్యే భుక్తిముక్తిప్రదం శృణు !

మాఘఫాల్గునయోర్మధ్యే కృష్ణా యా తు చతుర్దశీ !!1

కామయుక్తా తు సోపోష్యా కుర్వన్‌ జాగరణం వ్రతీ !

శివరాత్రివ్రతం కుర్వే చతుర్దశ్యామభోజనమ్‌!! 2

రాత్రిజాగరణేనైవ పూజయామి శివం వ్రతీ !

ఆవాహయామ్యహం శమ్భుం భుక్తిముక్తిప్రదాయకమ్‌!! 3

నరకార్ణవకోత్తారనావం శివ నమోస్తుతే !

నమః శివాయ శాన్తాయ ప్రజారాజ్యాదిదాయినే!! 4

సౌభాగ్యారోగ్య విద్యార్థస్వర్గమార్గప్రదాయినే !

ధర్మం దేహి ధనం దేహి కామభోగాది దేహి మే!! 5

గుణకీర్తిసుఖం దేహి స్వర్గం మోక్షం చ దేహి మే !

లుబ్దకః ప్రాప్తవాన్‌ పుణ్యం పాపీ సున్దరసేనకః!! 6

ఇత్యాది మహాపురాణే ఆగ్నేయే శివరాత్రివ్రతం నామ త్రినవత్యధిక శతతమో೭ధ్యాయః!!

-శంకరకింకర

శివరాత్రి ఉపవాసముండి రాత్రి జాగరము చేసి ఇట్లు కోరవలెను ''నేను చతుర్దశినాడు ఉపవాసముండి శివరాత్రి వ్రతము చేయుచుంటిని. నేను వ్రతముక్తుడనై రాత్రి జాగరము చేసి శివుని పూజ చేయుచున్నాను. భోగమోక్షములను ప్రసాదించు శివుని ఆవాహనము చేయుచున్నాను. శివా! నీవు సంసారనరకసముద్రమును దాటించు నౌకవంటివాడవు. నీకు నమస్కారము. నీవు సంతానమును, రాజ్యమును ఇచ్చువాడవు. మంగళమయుడవు. శాంతస్వరూపుడవు. నీకు నమస్కారము. నీవు సౌభాగ్య - ఆరోగ్య - విద్యా - ధన - స్వర్గముల నిచ్చువాడవు. 

నాకుధర్మమును, ధనమును, కామభోగాదులను ప్రసాదించుము. నన్ను గుణ - కీర్తి - సుఖసంపన్నునిగా అనుగ్రహించుము. దేహాంతమున నాకు స్వర్గ - మోక్షముల నిమ్ము''  - అగ్నిమహాపురాణము- శివరాత్రివ్రతము 193వ అధ్యాయము

ఉనికి - త్యాగం

దారం గుర్తింపు కోరుకుంటే దండ ఉనికిని కోల్పోతుంది.

పూలు వాడిపోయినా దారం అలాగే ఉండిపోతుంది

పునాది పైకి కనపడాలనుకుంటే భవనం నేలమట్టమౌతుంది.

భవనం మార్పులకి లోనైనా పునాది అలానే ఉండిపోతుంది.

త్యాగమే వాటి అమృతత్వానికి నాంది!

-శంకరకింకర

పరమాత్మనెలా స్వీకరించగలను?

శ్రీ గురుభ్యోనమః

       మనలో చాలా మందికి ఈ ప్రపంచంలోని కొందరు లేదా కొన్ని కొన్ని విషయాలు నచ్చవు, ఏదో ఒక పేచీ (compliant). అలాగే నాకూనూ, చిత్ర కారుడు గీసిన చిత్రాన్ని ఇష్టపడినప్పుడే కదా ఆ చిత్రకారుణ్ణి స్వీకరించేది (Acceptance), అలాగే చిత్రకారుడి చిత్రంలాంటి ఈ ప్రపంచాన్ని యథాతథంగా అంగీకరించలేకపోతే దాన్ని చిత్రించిన పరమాత్మనెలా స్వీకరించగలను?

       ఆత్మవత్ సర్వభూతాని..... నన్ను నేను ఎన్ని చెడులున్నా మంచి ఉన్నా స్వీకరించుకున్నానో (నాలో బయట ఎవ్వరికీ తెలియని మంచి చెడులతో సహా నన్ను నేను accept చేసుకున్నట్లు) ప్రపంచాన్నీ అలాగే స్వీకరించి చూడాలి.....  విశ్వంలో విశ్వనాధుణ్ణి చూసే ప్రయత్నం....

-శంకరకింకర (10-Jun-2014)

గురువులు మార్గం మాత్రమే చూపుతారు

శ్రీ గురుభ్యోనమః

ఒకనికి మరొకరు దేవుణ్ణి చూపడమేమిటి? అసంబద్ధం కాకపోతే... 

ఆత్మబోధలో శంకరులంటారూ మెడలో ఆభరణం వేసుకుని దాని గురించి ఇల్లంతా ఎక్కడెక్కడో వెతికి చివరికి తనమెడలోనే ఉన్నదని తెలుకొనిన స్వకంఠాభరణంలా... అని...,

ఆత్మాతు సతతంప్రాప్తోపి అప్రాప్తవదవిద్యయా

తన్నాశే ప్రాప్తవద్భాతి స్వకంఠాభరణం యథా!!

గురువులు మార్గం మాత్రమే చూపుతారు, ఎక్కడో నూటికో కోటికో ఒక్కరు (పరమహంస వివేకానందునికి లాగా) అవతార ప్రయోజనార్థం అటువంటివి చూపగలరు. లేదా మోళి, ఇంద్రజాలం చేసేవారు అలా భ్రమింపజేస్తారు చేస్తారు తప్ప. భగవంతుడేం సినిమానో నాటకమో కాదు టిక్కెట్లిచ్చి ధ్యానంలో చూపడానికి. ఇలా చేసేవాళ్ళందరూ పరమహంసలూ కారు టిక్కెట్లు కొనుక్కున్నవాళ్ళు వివేకానందులూ కారు.

-శంకరకింకర (17-May-16)

తపో జలాలను సిరాగ మార్చి
పదునెక్కిన మనో కలాన్ని ముంచి వ్రాస్తానొక శాసనం!

ధర్మపరుల ఆలోచనలనావాహన చేస్తూ
ఉపాసకుల ఊపిరులతొ కొత్త శ్వాస తీస్తున్నా!

దృశ్యమే తామైన సమాధి స్థితి
పొందిన ద్రష్టల దృష్టిని కోరుతు ఉన్నా!

మాటల చేతల అంతరాలనూ
చండీసింహపు గర్జనలతో ప్రశ్నిస్తున్నా!

శివపార్వతుల తాండవ కేళీ
విలాస సాక్ష్యమై కాలి అందెగా సత్యాన్నై నిలుస్తున్నా!

పితృదేవతలంటే కేవలం “తండ్రులు” అని అర్థం తీసుకోకూడదు!

దేశికచరణస్మరణం!

పితృదేవతలంటే కేవలం “తండ్రులు” అని అర్థం తీసుకోకూడదు. . పితృదేవతలకు నమస్కారం అని అంటే కేవలం శరీరం విడిచిన తండ్రి, తాతలేకాదు అమ్మ, అమ్మమ్మ, నానమ్మ ఇలా వీరుకూడా పితృదేవతలలో కే వస్తారు... అంతే తప్ప పితృ అని పేరుందికాబట్టి కేవలం శరీరం విడిచిన తండ్రి తాతలన్న అర్థం కాదు.. సంధ్యావందనంలోకానీ నిత్యవిధులలోకానీ పితృభ్యోనమః అంటే శరీరంతో ఉన్న తల్లిదండ్రులకొరకు ఆ నమస్కారం అని కాదు అర్థం. శరీరం తో ఉన్న తల్లిదండ్రులకు నిత్యం చేసేది చేయవలసినది తిన్నగా పాదాభివందనమే, ఏ మంత్రమూ అవసరంలేదు.

సంధ్యావందనం, నిత్య నైమిత్తిక కర్మల్లో చేసే నమస్కార తర్పణాదులు దివ్య పితృదేవతలకు, శరీరంతో లేని మాతా పితరులకు ఆ పరంపరలో ఉన్న పైవారికి. రక్త సంబంధం బంధుత్వం, ఆత్మ బంధుత్వం ఏర్పడిన పితృలోకంలో ఉండే గణాలని గౌరవించడం పితృదేవతా నమస్కారం.

ఊర్థ్వలోకాల్లో అంటే ద్యులోకంలో ఉండే పితృ దేవతలు ఏడు గణాల సమూహం అందులో మూడుగణాలకి ఆకారమే ఉండదు..  ఇక లింగబేధమేమిటీ?.. అక్కడకూడా పితృస్వామ్యం అదీ ఇదీ వంటి ప్రశ్నలు ఉత్పన్నమవడమే అసంబద్ధం.

-శంకరకింకర