||శ్రీ మహాలక్ష్మీ సహస్రనామ స్తోత్రమ్||
||వినియోగ||:-అస్య శ్రీమహాలక్ష్మీ సహస్రనామ స్తోత్ర మహామన్త్రస్య, శ్రీమహావిష్ణుర్భగవాన్ ఋషిః, అనుష్టుప్ ఛన్దః,
శ్రీమహాలక్ష్మీః దేవతా,శ్రీం బీజమ్ హ్రీం శక్తిః, హ్రైం కీలకమ్,
శ్రీమహాలక్ష్మీ ప్రసాద సిద్ధ్యర్థే జపే వినియోగః||
పద్మాననే పద్మకరే సర్వలోకైకపూజితే |
సాన్నిధ్యం కురు మే చిత్తే విష్ణువక్షఃస్థలస్థితే || ౧||
భగవద్దక్షిణే పార్శ్వే శ్రియం దేవీమవస్థితామ్ |
ఈశ్వరీం సర్వభూతానాం జననీం సర్వదేహినామ్ || ౨||
చారుస్మితాం చారుదతీం చారునేత్రాననభ్రువమ్ |
సుకపోలాం సుకర్ణాగ్రన్యస్తమౌక్తికకుణ్డలామ్ || ౩||
సుకేశాం చారుబిమ్బోష్ఠీం రత్నతుఙ్గఘనస్తనీమ్ |
అలకాగ్రైరలినిభైరలఙ్కృతముఖామ్బుజమ్ || ౪||
లసత్కనకసఙ్కాశాం పీనసున్దరకన్ధరామ్ |
నిష్కకణ్ఠీం స్తనాలమ్బిముక్తాహారవిరాజితామ్ || ౫||
నీలకున్తలమధ్యస్థమాణిక్యమకుటోజ్జ్వలామ్ |
శుక్లమాల్యామ్బరధరాం తప్తహాటకవర్ణినీమ్ || ౬||
అనన్యసులభైస్తైస్తైర్గుణైః సౌమ్యముఖైర్నిజైః |
అనురూపానవద్యాఙ్గీం హరేర్నిత్యానపాయినీమ్ || ౭||
శ్రీర్వాసుదేవమహిషీ పుమ్ప్రధానేశ్వరేశ్వరీ |
అచిన్త్యానన్తవిభవా భావాభావవిభావినీ || ౧||
అహమ్భావాత్మికా పద్మా శాన్తానన్తచిదాత్మికా |
బ్రహ్మభావం గతా త్యక్తభేదా సర్వజగన్మయీ || ౨||
షాడ్గుణ్యపూర్ణా త్రయ్యన్తరూపాత్మానపగామినీ |
ఏకయోగ్యాఽశూన్యభావాకృతిస్తేజః ప్రభావినీ || ౩||
భావ్యభావకభావాత్మభావ్యా కామధుగాఽఽత్మభూః |
భావాభావమయీ దివ్యా భేద్యభేదకభావనీ || ౪||
జగత్కుటుమ్బిన్యఖిలాధారా కామవిజృమ్భిణీ |
పఞ్చకృత్యకరీ పఞ్చశక్తిమయ్యాత్మవల్లభా || ౫||
భావాభావానుగా సర్వసమ్మతాఽఽత్మోపగూహినీ |
అపృథక్చారిణీ సౌమ్యా సౌమ్యరూపవ్యవస్థితా || ౬||
ఆద్యన్తరహితా దేవీ భవభావ్యస్వరూపిణీ |
మహావిభూతిః సమతాం గతా జ్యోతిర్గణేశ్వరీ || ౭||
స్వాతన్త్ర్యరూపా దేవోరఃస్థితా తద్ధర్మధర్మిణీ |
సర్వభూతేశ్వరీ సర్వభూతమాతాఽఽత్మమోహినీ || ౯||
సర్వాఙ్గసున్దరీ సర్వవ్యాపినీ ప్రాప్తయోగినీ |
విముక్తిదాయినీ భక్తిగమ్యా సంసారతారిణీ || ౧౦||
ధర్మార్థసాధినీ వ్యోమనిలయా వ్యోమవిగ్రహా |
పఞ్చవ్యోమపదీ రక్షవ్యావృతిః ప్రాప్యపూరిణీ || ౧౧||
ఆనన్దరూపా సర్వాప్తిశాలినీ శక్తినాయికా |
హిరణ్యవర్ణా హైరణ్యప్రాకారా హేమమాలినీ || ౧౨||
ప్రత్నరత్నా భద్రపీఠా వేశినీ రజతస్రజా |
స్వాజ్ఞాకార్యమరా నిత్యా సురభిర్వ్యోమచారిణీ || ౧౩||
యోగక్షేమవహా సర్వసులభేచ్ఛాక్రియాత్మికా |
కరుణాగ్రానతముఖీ కమలాక్షీ శశిప్రభా || ౧౪||
కల్యాణదాయినీ కల్యా కలికల్మషనాశినీ |
ప్రజ్ఞాపరిమితాఽఽత్మానురూపా సత్యోపయాచితా || ౧౫||
మనోజ్ఞేయా జ్ఞానగమ్యా నిత్యముక్తాత్మసేవినీ |
కర్తృశక్తిః సుగహనా భోక్తృశక్తిర్గుణప్రియా || ౧౬||
జ్ఞానశక్తిరనౌపమ్యా నిర్వికల్పా నిరామయా |
అకలఙ్కాఽమృతాధారా మహాశక్తిర్వికాసినీ || ౧౭||
మహామాయా మహానన్దా నిఃసఙ్కల్పా నిరామయా |
ఏకస్వరూపా త్రివిధా సఙ్ఖ్యాతీతా నిరఞ్జనా || ౧౮||
ఆత్మసత్తా నిత్యశుచిః పరశక్తిః సుఖోచితా |
నిత్యశాన్తా నిస్తరఙ్గా నిర్భిన్నా సర్వభేదినీ || ౧౯||
అసఙ్కీర్ణాఽవిధేయాత్మా నిషేవ్యా సర్వపాలినీ |
నిష్కామనా సర్వరసాఽభేద్యా సర్వార్థ సాధినీ || ౨౦||
అనిర్దేశ్యాఽపరిమితా నిర్వికారా త్రిలక్షణా |
భయఙ్కరీ సిద్ధిరూపాఽవ్యక్తా సదసదాకృతిః || ౨౧||
అప్రతర్క్యాఽప్రతిహతా నియన్త్రీ యన్త్రవాహినీ |
హార్దమూర్తిర్మహామూర్తిః అవ్యక్తా విశ్వగోపినీ || ౨౨||
వర్ధమానాఽనవద్యాఙ్గీ నిరవద్యా త్రివర్గదా |
అప్రమేయాఽక్రియా సూక్ష్మా పరనిర్వాణదాయినీ || ౨౩||
అవిగీతా తన్త్రసిద్ధా యోగసిద్ధాఽమరేశ్వరీ |
విశ్వసూతిస్తర్పయన్తీ నిత్యతృత్పా మహౌషధిః || ౨౪||
శబ్దాహ్వయా శబ్దసహా కృతజ్ఞా కృతలక్షణా |
త్రివర్తినీ త్రిలోకస్థా భూర్భువఃస్వరయోనిజా || ౨౫||
అగ్రాహ్యాఽగ్రాహికాఽనన్తాహ్వయా సర్వాతిశాయినీ |
వ్యోమపద్మా కృతధురా పూర్ణకామా మహేశ్వరీ || ౨౬||
సువాచ్యా వాచికా సత్యకథనా సర్వపాలినీ |
లక్ష్యమాణా లక్షయన్తీ జగజ్జ్యేష్ఠా శుభావహా || ౨౭||
జగత్ప్రతిష్ఠా భువనభర్త్రీ గూఢప్రభావతీ |
క్రియాయోగాత్మికా మూర్తిః హృదబ్జస్థా మహాక్రమా || ౨౮||
పరమద్యౌః ప్రథమజా పరమాప్తా జగన్నిధిః |
ఆత్మానపాయినీ తుల్యస్వరూపా సమలక్షణా || ౨౯||
తుల్యవృత్తా సమవయా మోదమానా ఖగధ్వజా |
ప్రియచేష్టా తుల్యశీలా వరదా కామరూపిణీ || ౩౦||
సమగ్రలక్షణాఽనన్తా తుల్యభూతిః సనాతనీ |
మహర్ద్ధిః సత్యసఙ్కల్పా బహ్వృచా పరమేశ్వరీ || ౩౧||
జగన్మాతా సూత్రవతీ భూతధాత్రీ యశస్వినీ |
మహాభిలాషా సావిత్రీ ప్రధానా సర్వభాసినీ || ౩౨||
నానావపుర్బహుభిదా సర్వజ్ఞా పుణ్యకీర్తనా |
భూతాశ్రయా హృషీకేశ్వర్యశోకా వాజివాహికా || ౩౩||
బ్రహ్మాత్మికా పుణ్యజనిః సత్యకామా సమాధిభూః |
హిరణ్యగర్భా గమ్భీరా గోధూలిః కమలాసనా || ౩౪||
జితక్రోధా కుముదినీ వైజయన్తీ మనోజవా |
ధనలక్ష్మీః స్వస్తికరీ రాజ్యలక్ష్మీర్మహాసతీ || ౩౫||
జయలక్ష్మీర్మహాగోష్ఠీ మఘోనీ మాధవప్రియా |
పద్మగర్భా వేదవతీ వివిక్తా పరమేష్ఠినీ || ౩౬||
సువర్ణబిన్దుర్మహతీ మహాయోగిప్రియాఽనఘా |
పద్మే స్థితా వేదమయీ కుముదా జయవాహినీ || ౩౭||
సంహతిర్నిర్మితా జ్యోతిః నియతిర్వివిధోత్సవా |
రుద్రవన్ద్యా సిన్ధుమతీ వేదమాతా మధువ్రతా || ౩౮||
విశ్వమ్భరా హైమవతీ సముద్రేచ్ఛావిహారిణీ |
అనుకూలా యజ్ఞవతీ శతకోటిః సుపేశలా || ౩౯||
ధర్మోదయా ధర్మసేవ్యా సుకుమారీ సభావతీ |
భీమా బ్రహ్మస్తుతా మధ్యప్రభా దేవర్షివన్దితా || ౪౦||
దేవభోగ్యా మహాభాగా ప్రతిజ్ఞాపూర్ణశేవధిః |
సువర్ణరుచిరప్రఖ్యా భోగినీ భోగదాయినీ || ౪౧||
వసుప్రదోత్తమవధూః గాయత్రీ కమలోద్భవా |
విద్వత్ప్రియా పద్మచిహ్నా వరిష్ఠా కమలేక్షణా || ౪౨||
పద్మప్రియా సుప్రసన్నా ప్రమోదా ప్రియపార్శ్వగా |
విశ్వభూషా కాన్తిమతీ కృష్ణా వీణారవోత్సుకా || ౪౩||
రోచిష్కరీ స్వప్రకాశా శోభమానవిహఙ్గమా |
దేవాఙ్కస్థా పరిణతిః కామవత్సా మహామతిః || ౪౪||
ఇల్వలోత్పలనాభాఽధిశమనీ వరవర్ణినీ |
స్వనిష్ఠా పద్మనిలయా సద్గతిః పద్మగన్ధినీ || ౪౫||
పద్మవర్ణా కామయోనిః చణ్డికా చారుకోపనా |
రతిస్నుషా పద్మధరా పూజ్యా త్రైలోక్యమోహినీ || ౪౬||
నిత్యకన్యా బిన్దుమాలిన్యక్షయా సర్వమాతృకా |
గన్ధాత్మికా సురసికా దీప్తమూర్తిః సుమధ్యమా || ౪౭||
పృథుశ్రోణీ సౌమ్యముఖీ సుభగా విష్టరశ్రుతిః |
స్మితాననా చారుదతీ నిమ్ననాభిర్మహాస్తనీ || ౪౮||
స్నిగ్ధవేణీ భగవతీ సుకాన్తా వామలోచనా |
పల్లవాఙ్ఘ్రిః పద్మమనాః పద్మబోధా మహాప్సరాః || ౪౯||
విద్వత్ప్రియా చారుహాసా శుభదృష్టిః కకుద్మినీ |
కమ్బుగ్రీవా సుజఘనా రక్తపాణిర్మనోరమా || ౫౦||
పద్మినీ మన్దగమనా చతుర్దంష్ట్రా చతుర్భుజా |
శుభరేఖా విలాసభ్రూః శుకవాణీ కలావతీ || ౫౧||
ఋజునాసా కలరవా వరారోహా తలోదరీ |
సన్ధ్యా బిమ్బాధరా పూర్వభాషిణీ స్త్రీసమాహ్వయా || ౫౨||
ఇక్షుచాపా సుమశరా దివ్యభూషా మనోహరా |
వాసవీ పాణ్డరచ్ఛత్రా కరభోరుస్తిలోత్తమా || ౫౩||
సీమన్తినీ ప్రాణశక్తిః విభీషణ్యసుధారిణీ |
భద్రా జయావహా చన్ద్రవదనా కుటిలాలకా || ౫౪||
చిత్రామ్బరా చిత్రగన్ధా రత్నమౌలిసముజ్జ్వలా |
దివ్యాయుధా దివ్యమాల్యా విశాఖా చిత్రవాహనా || ౫౫||
అమ్బికా సిన్ధుతనయా సుశ్రేణిః సుమహాసనా |
సామప్రియా నమ్రితాఙ్గీ సర్వసేవ్యా వరాఙ్గనా || ౫౬||
గన్ధద్వారా దురాధర్షా నిత్యపుష్టా కరీషిణీ |
దేవజుష్టాఽఽదిత్యవర్ణా దివ్యగన్ధా సుహృత్తమా || ౫౭||
అనన్తరూపాఽనన్తస్థా సర్వదానన్తసఙ్గమా |
యజ్ఞాశినీ మహావృష్టిః సర్వపూజ్యా వషట్క్రియా || ౫౮||
యోగప్రియా వియన్నాభిః అనన్తశ్రీరతీన్ద్రియా |
యోగిసేవ్యా సత్యరతా యోగమాయా పురాతనీ || ౫౯||
సర్వేశ్వరీ సుతరణిః శరణ్యా ధర్మదేవతా |
సుతరా సంవృతజ్యోతిః యోగినీ యోగసిద్ధిదా || ౬౦||
సృష్టిశక్తిర్ద్యోతమానా భూతా మఙ్గలదేవతా |
సంహారశక్తిః ప్రబలా నిరుపాధిః పరావరా || ౬౧||
ఉత్తారిణీ తారయన్తీ శాశ్వతీ సమితిఞ్జయా |
మహాశ్రీరజహత్కీర్తిః యోగశ్రీః సిద్ధిసాధనీ || ౬౨||
పుణ్యశ్రీః పుణ్యనిలయా బ్రహ్మశ్రీర్బ్రాహ్మణప్రియా |
రాజశ్రీ రాజకలితా ఫలశ్రీః స్వర్గదాయినీ || ౬౩||
దేవశ్రీరద్భుతకథా వేదశ్రీః శ్రుతిమార్గిణీ |
తమోఽపహాఽవ్యయనిధిః లక్షణా హృదయఙ్గమా || ౯౪||
మృతసఞ్జీవినీ శుభ్రా చన్ద్రికా సర్వతోముఖీ |
సర్వోత్తమా మిత్రవిన్దా మైథిలీ ప్రియదర్శనా || ౬౫||
సత్యభామా వేదవేద్యా సీతా ప్రణతపోషిణీ |
మూలప్రకృతిరీశానా శివదా దీప్రదీపినీ || ౬౬||
అభిప్రియా స్వైరవృత్తిః రుక్మిణీ సర్వసాక్షిణీ |
గాన్ధారిణీ పరగతిః తత్త్వగర్భా భవాభవా || ౬౭||
అన్తర్వృత్తిర్మహారుద్రా విష్ణుదుర్గా మహాబలా |
మదయన్తీ లోకధారిణ్యదృశ్యా సర్వనిష్కృతిః || ౬౮||
దేవసేనాఽఽత్మబలదా వసుధా ముఖ్యమాతృకా |
క్షీరధారా ఘృతమయీ జుహ్వతీ యజ్ఞదక్షిణా || ౬౯||
యోగనిద్రా యోగరతా బ్రహ్మచర్యా దురత్యయా |
సింహపిఞ్ఛా మహాదుర్గా జయన్తీ ఖడ్గధారిణీ || ౭౦||
సర్వార్తినాశినీ హృష్ట సర్వేచ్ఛాపరిపూరికా |
ఆర్యా యశోదా వసుదా ధర్మకామార్థమోక్షదా || ౭౧||
త్రిశూలినీ పద్మచిహ్నా మహాకాలీన్దుమాలినీ |
ఏకవీరా భద్రకాలీ స్వానన్దిన్యుల్లసద్గదా || ౭౨||
నారాయణీ జగత్పూరిణ్యుర్వరా ద్రుహిణప్రసూః |
యజ్ఞకామా లేలిహానా తీర్థకర్యుగ్రవిక్రమా || ౭౩||
గరుత్మదుదయాఽత్యుగ్రా వారాహీ మాతృభాశిణీ |
అశ్వక్రాన్తా రథక్రాన్తా విష్ణుక్రాన్తోరుచారిణీ || ౭౪||
వైరోచనీ నారసింహీ జీమూతా శుభదేక్షణా |
దీక్షావిదా విశ్వశక్తిః బీజశక్తిః సుదర్శనీ || ౭౫||
ప్రతీతా జగతీ వన్యధారిణీ కలినాశినీ |
అయోధ్యాఽచ్ఛిన్నసన్తానా మహారత్నా సుఖావహా || ౭౬||
రాజవత్యప్రతిభయా వినయిత్రీ మహాశనా |
అమృతస్యన్దినీ సీమా యజ్ఞగర్భా సమేక్షణా || ౭౭||
ఆకూతిఋగ్యజుస్సామఘోషాఽఽరామవనోత్సుకా |
సోమపా మాధవీ నిత్యకల్యాణీ కమలార్చితా || ౭౮||
యోగారూఢా స్వార్థజుష్టా వహ్నివర్ణా జితాసురా |
యజ్ఞవిద్యా గుహ్యవిద్యాఽధ్యాత్మవిద్యా కృతాగమా || ౭౯||
ఆప్యాయనీ కలాతీతా సుమిత్రా పరభక్తిదా |
కాఙ్క్షమాణా మహామాయా కోలకామాఽమరావతీ || ౮౦||
సువీర్యా దుఃస్వప్నహరా దేవకీ వసుదేవతా |
సౌదామినీ మేఘరథా దైత్యదానవమర్దినీ || ౮౧||
శ్రేయస్కరీ చిత్రలీలైకాకినీ రత్నపాదుకా |
మనస్యమానా తులసీ రోగనాశిన్యురుప్రదా || ౮౨||
తేజస్వినీ సుఖజ్వాలా మన్దరేఖాఽమృతాశినీ |
బ్రహ్మిష్ఠా వహ్నిశమనీ జుషమాణా గుణాత్యయా || ౮౩||
కాదమ్బరీ బ్రహ్మరతా విధాత్ర్యుజ్జ్వలహస్తికా |
అక్షేభ్యా సర్వతోభద్రా వయస్యా స్వస్తిదక్షిణా || ౮౪||
సహస్రాస్యా జ్ఞానమాతా వైశ్వానర్యక్షవర్తినీ |
ప్రత్యగ్వరా వారణవత్యనసూయా దురాసదా || ౮౫||
అరున్ధతీ కుణ్డలినీ భవ్యా దుర్గతినాశినీ |
మృత్యుఞ్జయా త్రాసహరీ నిర్భయా శత్రుసూదినీ || ౮౬||
ఏకాక్షరా సత్పురన్ధ్రీ సురపక్షా సురాతులా |
సకృద్విభాతా సర్వార్తిసముద్రపరిశోషిణీ || ౮౭||
బిల్వప్రియాఽవనీ చక్రహృదయా కమ్బుతీర్థగా |
సర్వమన్త్రాత్మికా విద్యుత్సువర్ణా సర్వరఞ్జినీ || ౮౮||
ధ్వజఛత్రాశ్రయా భూతిర్వైష్ణవీ సద్గుణోజ్జ్వలా |
సుషేణా లోకవిదితా కామసూర్జగదాదిభూః || ౮౯||
వేదాన్తయోనిర్జిజ్ఞాసా మనీషా సమదర్శినీ |
సహస్రశక్తిరావృత్తిః సుస్థిరా శ్రేయసాం నిధిః || ౯౦||
రోహిణీ రేవతీ చన్ద్రసోదరీ భద్రమోహినీ |
సూర్యా కన్యాప్రియా విశ్వభావనీ సువిభావినీ || ౯౧||
సుప్రదృశ్యా కామచారిణ్యప్రమత్తా లలన్తికా |
మోక్షలక్ష్మీర్జగద్యోనిః వ్యోమలక్ష్మీః సుదుర్లభా || ౯౨||
భాస్కరీ పుణ్యగేహస్థా మనోజ్ఞా విభవప్రదా |
లోకస్వామిన్యచ్యుతార్థా పుష్కలా జగదాకృతిః || ౯౩||
విచిత్రహారిణీ కాన్తా వాహినీ భూతవాసినీ |
ప్రాణినీ ప్రాణదా విశ్వా విశ్వబ్రహ్మాణ్డవాసినీ || ౯౪||
సమ్పూర్ణా పరమోత్సాహా శ్రీమతీ శ్రీపతిః శ్రుతిః |
శ్రయన్తీ శ్రీయమాణా క్ష్మా విశ్వరూపా ప్రసాదినీ || ౯౫||
హర్షిణీ ప్రథమా శర్వా విశాలా కామవర్షిణీ |
సుప్రతీకా పృశ్నిమతీ నివృత్తిర్వివిధా పరా || ౯౬||
సుయజ్ఞా మధురా శ్రీదా దేవరాతిర్మహామనాః |
స్థూలా సర్వాకృతిః స్థేమా నిమ్నగర్భా తమోనుదా || ౯౭||
తుష్టిర్వాగీశ్వరీ పుష్టిః సర్వాదిః సర్వశోషిణీ |
శక్త్యాత్మికా శబ్దశక్తిః విశిష్టా వాయుమత్యుమా || ౯౮||
ఆన్వీక్షికీ త్రయీ వార్తా దణ్డనీతిర్నయాత్మికా |
వ్యాలీ సఙ్కర్షిణీ ద్యోతా మహాదేవ్యపరాజితా || ౯౯||
కపిలా పిఙ్గలా స్వస్థా బలాకీ ఘోషనన్దినీ |
అజితా కర్షిణీ నీతిర్గరుడా గరుడాసనా || ౧౦౦||
హ్లాదిన్యనుగ్రహా నిత్యా బ్రహ్మవిద్యా హిరణ్మయీ |
మహీ శుద్ధవిధా పృథ్వీ సన్తానిన్యంశుమాలినీ || ౧౦౧||
యజ్ఞాశ్రయా ఖ్యాతిపరా స్తవ్యా వృష్టిస్త్రికాలగా |
సమ్బోధిణి శబ్దపుర్ణా విజయాంఽశుమతీ కలా || ౧౦౨||
శివా స్తుతుప్రియా ఖ్యాతిః జీవయన్తీ పునర్వసుః |
దీక్షా భక్తార్తిహా రక్షా పరీక్షా యజ్ఞసమ్భవా || ౧౦౩||
ఆర్ద్రా పుష్కరిణీ పుణ్యా గణ్యా దారిద్ర్యభఞ్జినీ |
ధన్యా మాన్యా పద్మనేమిః భార్గవీ వంశవర్ధనీ || ౧౦౪||
తీక్ష్ణప్రవృత్తిః సత్కీర్తిః నిషేవ్యాఽఘవినాశినీ |
సంజ్ఞా నిఃసంశయా పూర్వా వనమాలా వసున్ధరా || ౧౦౫||
పృథుర్మహోత్కటాఽహల్యా మణ్డలాఽఽశ్రితమానదా |
సర్వా నిత్యోదితోదారా జృమ్భమాణా మహోదయా || ౧౦౬||
చన్ద్రకాన్తోదితా చన్ద్రా చతురశ్రా మనోజవా |
బాలా కుమారీ యువతిః కరుణా భక్తవత్సలా || ౧౦౭||
మేదిన్య్యుపనిషన్మిశ్రా సుమవీరుద్ధనేశ్వరీ |
దుర్మర్షణీ సుచరితా బోధా శోభా సువర్చలా || ౧౦౮||
యమునాఽక్షౌహిణీ గఙ్గా మన్దాకిన్యమరాలయా |
గోదా గోదావరీ చన్ద్రభాగా కావేర్యుదన్వతీ || ౧౦౯||
సినీవాలీ కుహూ రాకా వారణా సిన్ధుమత్యమా |
వృద్ధిః స్థితిర్ధ్రువా బుద్ధిః త్రిగుణా గుణగహ్వరా || ౧౧౦||
పూర్తిర్మాయాత్మికా స్ఫూర్తిర్వ్యాఖ్యా సూత్రా ప్రజావతీ |
విభూతిర్నిష్కలా రమ్భా రక్షా సువిమలా క్షమా || ౧౧౧||
ప్రాప్తిర్వాసన్తికాలేఖా భూరిబీజా మహాగదా |
అమోఘా శాన్తిదా స్తుత్యా జ్ఞానదోత్కర్షిణీ శిఖా || ౧౧౨||
ప్రకృతిర్గోమతీ లీలా కమలా కామధుగ్విధిః |
ప్రజ్ఞా రామా పరా సన్ధ్యా సుభద్రా సర్వమఙ్గలా || ౧౧౩||
నన్దా భద్రా జయా రిక్తా తిథిపూర్ణాఽమృతమ్భరా |
కాష్ఠా కామేశ్వరీ నిష్ఠా కామ్యా రమ్యా వరా స్మృతిః || ౧౧౪||
శఙ్ఖినీ చక్రిణీ శ్యామా సమా గోత్రా రమా దితిః |
శాన్తిర్దాన్తిః స్తుతిః సిద్ధిః విరజాఽత్యుజ్జ్వలాఽవ్యయా || ౧౧౫||
వాణీ గౌరీన్దిరా లక్ష్మీః మేధా శ్రద్ధా సరస్వతీ |
స్వధా స్వాహా రతిరుషా వసువిద్యా ధృతిః సహా || ౧౧౬||
శిష్టేష్టా చ శుచిర్ధాత్రీ సుధా రక్షోఘ్న్యజాఽమృతా |
రత్నావలీ భారతీడా ధీరధీః కేవలాఽఽత్మదా || ౧౧౭||
యా సా శుద్ధిః సస్మితా కా నీలా రాధాఽమృతోద్భవా |
పరధుర్యాస్పదా హ్రీర్భూః కామినీ శోకనాశినీ || ౧౧౮||
మాయాకృతీ రసఘనా నర్మదా గోకులాశ్రయా |
అర్కప్రభా రథేభాశ్వనిలయేన్దుప్రభాఽద్భుతా || ౧౧౯||
శ్రీః కృశానుప్రభా వజ్రలమ్భనా సర్వభూమిదా |
భోగప్రియా భోగవతీ భోగీన్ద్రశయనాసనా || ౧౨౦||
అశ్వపూర్వా రథమధ్యా హస్తినాదప్రబోధినీ |
సర్వలక్షణలక్షణ్యా సర్వలోకప్రియఙ్కరీ || ౧౨౧||
సర్వోత్కృష్టా సర్వమయీ భవభఙ్గాపహారిణీ |
వేదాన్తస్థా బ్రహ్మనీతిః జ్యోతిష్మత్యమృతావహా || ౧౨౨||
భూతాశ్రయా నిరాధారా సంహితా సుగుణోత్తరా |
సర్వాతిశాయినీ ప్రీతిః సర్వభూతస్థితా ద్విజా |
సర్వమఙ్గలమాఙ్గల్యా దృష్టాదృష్టఫలప్రదా || ౧౨౩||
|| ఇతి శ్రీ మహాలక్ష్మీ సహస్రనామ స్తోత్రం సమ్పూర్ణమ||
