వందేహ్యమృతానంద రూపిణీమ్..

 విద్యా జ్ఞాన సుధాపూర్ణామ్ 

వేదాంతాద్వైత భాషిణీమ్ 

సరస్వతీమహం వందే 

హ్యమృతానంద రూపిణీమ్..

వారాహీ ఉపాసన గుప్తమైనది రహస్యమైనది.

 1. వారాహీ తంత్రం:

    గోపనీయం ప్రయత్నేన మంత్రం చాష్టముఖం పరం।

    గోపనీయా విశేషేణ దండినీ పరమేశ్వరీ॥

ఆష్టముఖి (వారాహీ) మంత్రాన్ని విశేషంగా రహస్యంగా, కచ్చితంగా గోప్యతతో చేయాలి. దండిని దేవి అనగా వారాహీ – ఆమె ఉపాసనను గోపనీయంగా ఉంచాలి.

2. బృహద్గాంధర్వతంత్రం:

    రాత్రౌ కార్యం విశేషేణ మంత్రసిద్ధిర్న దీపకే।

    గోప్యం గుప్తతరం కార్యం సర్వతో విజనే స్థలే॥

ఈ ఉపాసనను రాత్రి చేయాలి, దీపం వెలిగించకుండా. మంత్రసిద్ధి కోసం ఇది అత్యంత గోప్యంగా చేయాలి. ఇది నిశ్శబ్ద, ఒంటరిగా ఉండే ప్రదేశంలో నిర్వహించాలి.

3. వారాహీ రహస్యం:

    న ప్రకాశ్యం పరేభ్యశ్చ న మంత్రం న విధానకం।

    న యజ్ఞం న చ పూజాం వా మంత్రసిద్ధిర్న జాయతే॥

వారాహీ మంత్రాన్ని, విధానాన్ని, పూజను ఇతరులకు చెప్పకూడదు. అలా చేస్తే మంత్రసిద్ధి సంభవించదు.

4. శక్తిసంగమతంత్రే:

    గోపనీయతమం కార్యం వారాహీ సాధకైః సదా।

    గృహే చ న ప్రకాశితం కులవృత్తం యథా స్వయం॥

వారాహీ ఉపాసనను ఉపాసకులు అత్యంత గోపనీయంగా నిర్వహించాలి. ఇది కుటుంబ రహస్యంగా గౌరవించాలి, బయట వ్యక్తీకరించరాదు.

5. వారాహీ తంత్రవాక్యం:

    గుహ్యే గుహ్యతరం కార్యం వారాహీపూజనం సదా।

    న వక్తవ్యం కదాచిత్ తు స్వప్నేఽపి పరచేతనం॥

వారాహీ పూజ అనేది అత్యంత రహస్యంగా చేయవలసిన విధి. ఇది స్వప్నంలోనూ ఇతరులకు చెప్పకూడదు

- శ్రీ చిర్రావూరిగారి సేకరణ

అనధ్యయనం

శ్రీ తాడేపల్లి పతంజలి గారి ఫేస్బుక్ పోస్ట్

 వేదాధ్యయనం చెయ్యకూడని రోజుల్ని అనధ్యయనాలంటారు. మార్గశీర్షం బహుళ సప్తమి, పుష్యమాసం బహుళాష్టమి, మాఘమాసం బహుళనవమి, ఫాల్గుణం బహుళ దశమి, భాద్రపదం బహుళైకాదశి - వీటిని అష్టకాలంటారు.

ఈ తిధుల్లో వేదాధ్యయనం చెయ్యకూడదు. 

ప్రతినెలా అష్టమి చతుర్ధశి పూర్ణిమ అమావాస్యలూ మకర కర్కాటక రవి సంక్రాంతులూ - వీటిని పంచపర్వాలంటారు. ఇవికూడా అనధ్యయన దివసాలే. 

ఇంకా ఇలాగే ప్రతీపాడ్యమి, భాద్రపద కృష్ణపక్షంలో మహాభరణి (ఆషాడం), ఉత్థాన ద్వాదశీ (కార్తికం), ఆషాడ - కార్తిక - ఫాల్గుణాల్లో శుక్ల పక్ష ద్వితీయులు, మాఘశుద్ధ సప్తమి, అశ్వయుజ శుద్ధ నవమి - ఈ తిథులు వేదాధ్యయనానికి అనర్హాలు. అంటే అనధ్యయన దివసాలు.